مەملەكەت باسشىسى ق.توقايەۆ «ەگەمەن قازاقستان» گازەتىنە بەرگەن سۇحباتىندا ەل تاريحىندا ەرەكشە ورنى بار تۇلعالارعا قۇرمەت كورسەتۋ ءداستۇرى جالپىۇلتتىق بىرەگەيلىكتى نىڭايتا تۇسۋگە زور سەپتىگىن تيگىزەتىنىن ايتقان بولاتىن.
![](https://qazaqadebieti.kz/wp-content/uploads/2024/05/WhatsApp-Image-2024-05-21-at-12.22.33-225x300.jpeg)
تاريح عىلىمىنىڭ كانديداتى اۋەزحان شاشايەۆ
پرەزيدەنت ەل تامىرى تەرەڭدە جاتقانىن ايگىلەيتىن جوشى ۇلىسىنىڭ 800 جىلدىعىن كەڭ تۇردە اتاپ ءوتۋ كەرەكتىگىنە باسا نازار اۋدارعان ەدى. وسى ماقسات نەگىزىندە الماتى قالاسى ورتالىقتاندىرىلعان كىتاپحانا جۇيەسىنە قاراستى №20 كىتاپحانادا «جوشى حان – التىن وردا اتاسى» اتتى دوڭگەلەك ۇستەل ءوتتى.
![](https://qazaqadebieti.kz/wp-content/uploads/2024/05/WhatsApp-Image-2024-05-21-at-12.22.35-225x300.jpeg)
تاريح عىلىمىنىڭ كانديداتى جەڭىس جومارت ۇلى
ءىس-شاراعا ش.ءۋاليحانوۆ اتىنداعى تاريح جانە ەتنولوگيا ينستيتۋتى باس ديرەكتورىنىڭ حالىقارالىق بايلانىستار بويىنشا ورىنباسارىنىڭ اتقارۋشى، جەتەكشىسى عىلىمي قىزمەتكەر، تاريح عىلىمىنىڭ كانديداتى جەڭىس جومارت ۇلى، ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ جەتەكشىسى، عىلىمي قىزمەتكەرى، اعا-ساراپشى، تاريح عىلىمىنىڭ كانديداتى اۋەزحان شاشايەۆ پەن ستۋدەنت-جاستار قاتىستى.
كەزدەسۋگە مودەراتور بولعان جۋرناليست، قازاقستان جۋرناليستەر وداعىنىڭ مۇشەسى، «سەنىمەن بولاشاق» رەسپۋبليكالىق اتا-انالار قوعامدىق بىرلەستىگىنىڭ وكىلى مەرۋەرت ماۋلەت قىزى جوشى ۇلىسىنىڭ تاريحىن ساراپتاۋدا باستى تەزيس «تاريح – ۇلتتىق بىرەگەيلىكتىڭ بولىگى» دەگەن ۇعىم مەملەكەتتىك يدەولوگيانىڭ وزەگى بولۋعا ءتيىس ەكەندىگىن ايتا كەلىپ:
![](https://qazaqadebieti.kz/wp-content/uploads/2024/05/WhatsApp-Image-2024-05-21-at-12.22.36-225x300.jpeg)
«سەنىمەن بولاشاق» رەسپۋبليكالىق اتا-انالار قوعامدىق بىرلەستىگىنىڭ وكىلى مەرۋەرت ماۋلەت قىزى
- قازاق قوعامىندا جوشى ۇلىسىنىڭ 800 جىلدىق تاريحىن اتاپ وتە وتىرىپ، سونىڭ اياسىندا ۇلتتىق قۇندىلىقتاردى تۇگەندەۋگە زور مۇمكىندىك تۋىپ وتىر. كورشى مەملەكەتتەرمەن ديپلوماتيالىق قارىم-قاتىناسى، جازۋ-سىزۋ مادەنيەتى، قولونەر ءھام ديقانشىلىق كاسىپتىڭ ۇيىمداستىرىلۋى، ۇلىستىڭ ءدىني جانە رۋحاني بىرلىك ۇستىندارىنىڭ جۇيەسى، وقۋ-توقۋ، عىلىم-بىلىمگە قاتىستى قوعامدىق سانانىڭ جەتىستىگى سىندى تاقىرىپتار جۇيەلى تۇردە زەرتتەلسە، بولاشاق ءۇشىن پايدالى بولارى ءسوزسىز، — دەگەن پىكىرىن ءبىلدىردى.
كەزەكپەن ءسوز العان كەش قوناقتارى اۋەزحان شاشايەۆ پەن جەڭىس جومارت ۇلى جوشى ۇلىسىن زەرتتەۋ بارىسىندا قانداي قولجازبا دەرەكتەر مەن ارحەولوگيالىق ماتەريالدارعا سۇيەنگەن ءجون ەكەندىگىن ايتا كەتتى. سونىمەن قاتار جوشى ۇلىسىن ەتنوساياسي، ەتنوگەنەتيكالىق تۇرعىدان زەرتتەي وتىرىپ كەيىنگى قازاق حاندىعىنىڭ ادەبيەتىنە، مادەنيەتىنە، تاريحىنا قالاي اسەر ەتكەنىن بايانداپ بەردى.
كەزدەسۋ كەزىندە كىتاپحاناشى ارنايى كىتاپ كورمەسىمەن تانىستىرىپ ءوتتى. جاستار وزدەرىن تولعاندىرعان سۇراقتارىن قويىپ، مامانداردان تۇششىمدى جاۋاپ الدى.
![](https://qazaqadebieti.kz/wp-content/uploads/2024/05/WhatsApp-Image-2024-05-21-at-12.26.33-168x300.jpeg)
كىتاپحانا مەڭگەرۋشىسى تۇرسىنوۆا لاۋرا ءماۋلىتشارىپ قىزى
دوڭگەلەك ۇستەلدى قورىتقان كىتاپحانا مەڭگەرۋشىسى لاۋرا ءماۋلىتشارىپ قىزى تاريحتى تولىققاندى بىلگەندە عانا جاس ۇرپاقتىڭ بويىندا مەملەكەتشىلدىكتىڭ بيىك دەڭگەيى قالىپتاسا الاتىنىن جەتكىزدى. قوناقتارعا العىسىن ايتىپ، سىي-سىياپات ءبىلدىردى.
اليا بورانباي،
كىتاپحانا قىزمەتكەرى