Memleket basshysy Q.Toqaev «Egemen Qazaqstan» gazetine bergen suhbatynda el tarihynda erekshe orny bar tulǵalarǵa qurmet kórsetý dástúri jalpyulttyq biregeilikti nyńaita túsýge zor septigin tigizetinin aitqan bolatyn.
Tarih ǵylymynyń kandidaty Áýezhan Shashaev
Prezident el tamyry tereńde jatqanyn áigileitin Joshy ulysynyń 800 jyldyǵyn keń túrde atap ótý kerektigine basa nazar aýdarǵan edi. Osy maqsat negizinde Almaty qalasy Ortalyqtandyrylǵan kitaphana júiesine qarasty №20 kitaphanada «Joshy han – Altyn orda atasy» atty dóńgelek ústel ótti.
Tarih ǵylymynyń kandidaty Jeńis Jomartuly
Is-sharaǵa Sh.Ýálihanov atyndaǵy tarih jáne etnologiia institýty bas direktorynyń halyqaralyq bailanystar boiynsha orynbasarynyń atqarýshy, jetekshisi ǵylymi qyzmetker, tarih ǵylymynyń kandidaty Jeńis Jomartuly, Sh.Ýálihanov atyndaǵy tarih jáne etnologiia institýtynyń jetekshisi, ǵylymi qyzmetkeri, aǵa-sarapshy, tarih ǵylymynyń kandidaty Áýezhan Shashaev pen stýdent-jastar qatysty.
Kezdesýge moderator bolǵan jýrnalist, Qazaqstan Jýrnalister odaǵynyń múshesi, «Senimen bolashaq» respýblikalyq ata-analar qoǵamdyq birlestiginiń ókili Merýert Máýletqyzy Joshy ulysynyń tarihyn saraptaýda basty tezis «Tarih – ulttyq biregeiliktiń bóligi» degen uǵym memlekettik ideologiianyń ózegi bolýǵa tiis ekendigin aita kelip:
«Senimen bolashaq» respýblikalyq ata-analar qoǵamdyq birlestiginiń ókili Merýert Máýletqyzy
- Qazaq qoǵamynda Joshy ulysynyń 800 jyldyq tarihyn atap óte otyryp, sonyń aiasynda ulttyq qundylyqtardy túgendeýge zor múmkindik týyp otyr. Kórshi memlekettermen diplomatiialyq qarym-qatynasy, jazý-syzý mádenieti, qolóner hám diqanshylyq kásiptiń uiymdastyrylýy, ulystyń dini jáne rýhani birlik ustyndarynyń júiesi, oqý-toqý, ǵylym-bilimge qatysty qoǵamdyq sananyń jetistigi syndy taqyryptar júieli túrde zerttelse, bolashaq úshin paidaly bolary sózsiz, — degen pikirin bildirdi.
Kezekpen sóz alǵan kesh qonaqtary Áýezhan Shashaev pen Jeńis Jomartuly Joshy ulysyn zertteý barysynda qandai qoljazba derekter men arheologiialyq materialdarǵa súiengen jón ekendigin aita ketti. Sonymen qatar Joshy ulysyn etnosaiasi, etnogenetikalyq turǵydan zerttei otyryp keiingi Qazaq handyǵynyń ádebietine, mádenietine, tarihyna qalai áser etkenin baiandap berdi.
Kezdesý kezinde kitaphanashy arnaiy kitap kórmesimen tanystyryp ótti. Jastar ózderin tolǵandyrǵan suraqtaryn qoiyp, mamandardan tushymdy jaýap aldy.
Kitaphana meńgerýshisi Tursynova Laýra Máýlitsháripqyzy
Dóńgelek ústeldi qorytqan kitaphana meńgerýshisi Laýra Máýlitsháripqyzy tarihty tolyqqandy bilgende ǵana jas urpaqtyń boiynda memleketshildiktiń biik deńgeii qalyptasa alatynyn jetkizdi. Qonaqtarǵa alǵysyn aityp, syi-syiapat bildirdi.
Aliia BORANBAI,
kitaphana qyzmetkeri
