ايماقتا وتكەن فورۋم بارىسىندا وبلىستاعى ۇكىمەتىك ەمەس ۇيىمدار 25 جىلدا اتقارعان جۇمىستارىنىڭ كورسەتكىشتەرىمەن بولىسە وتىرىپ، العا قويعان ماقساتتارىن دا ايتىپ ءوتتى.
– ءقازىردىڭ وزىندە شىعىس قازاقستان ۇەۇ سانى، اتقارعان جۇمىس ساپاسى بويىنشا الدىڭعى ورىندا تۇر. كەلەر جىلى ەكسپو-2017 كورمەسى وتەدى. وسى ورايدا ءبىز ۇەۇ ارقىلى كورمەنىڭ ماڭىزى مەن تيىمدىلىگى جايلى اقپاراتتى تۇرعىندارعا جەتكىزۋدى كوزدەپ وتىرمىز. سونداي-اق، ءدىني ەكسترەميزممەن كۇرەستە، حالىق اراسىندا بەيبىتشىلىك پەن ىنتىماقتاستىقتى نىعايتۋدا دا ۇەۇ بىرلەسە جۇمىس اتقارماقپىز، – دەدى جاقسىلىق ومار.
سونىمەن قاتار، شقو ءماسليحاتىنىڭ دەپۋتاتى، وبلىستىق ازاماتتىق اليانس ءتوراعاسى ولەگ چەرنىشوۆتىڭ ايتۋىنشا، اتقارۋشى بيلىك پەن ۇكىمەتتىك ەمەس سەكتور اراسىنداعى بايلانىس ءتۇرلى سالادا نىعايىپ كەلەدى.
– 1990 جىلدان بەرى وبلىستا ۇەۇ جەرگىلىكتى اتقارۋشى بيلىكپەن تىعىز جۇمىس ىستەپ، دەنساۋلىق، تۇكش سىندى سالالاردا وزەكتى ماسەلەلەردىڭ الدىن الدى. بۇگىندە مەملەكەتتىك مەكەمە مەن ۇكىمەتتىك ەمەس سەكتور جۇمىس قارقىنىن جاڭا دەڭگەيگە كوتەرىپ، الەۋمەتتىك ماسەلەلەردىڭ شەشىمىن تابۋدا جاڭا جوبالاردى قۇرۋدا، – دەدى ولەگ چەرنىشوۆ.
فورۋم سوڭىندا رەسپۋبليكالىق ازاماتتىق كەڭەس فورۋمىندا شقو اتىنان باراتىن دەلەگاتتاردىڭ ءتىزىمى جاريالاندى. سونداي-اق، 25 جىلدا جۇمىس كورسەتكىشى بويىنشا جوعارى جەتىستىككە جەتكەن ۇەۇ باسشىلارى ماراپاتتالدى.
