J.Omar: «Dini ekstremizmmen kúreste ÚEU-men birlese jumys atqaratyn bolamyz»
Aimaqta ótken forým barysynda oblystaǵy úkimetik emes uiymdar 25 jylda atqarǵan jumystarynyń kórsetkishterimen bólise otyryp, alǵa qoiǵan maqsattaryn da aityp ótti.
– Qazirdiń ózinde Shyǵys Qazaqstan ÚEU sany, atqarǵan jumys sapasy boiynsha aldyńǵy orynda tur. Keler jyly EKSPO-2017 kórmesi ótedi. Osy oraida biz ÚEU arqyly kórmeniń mańyzy men tiimdiligi jaily aqparatty turǵyndarǵa jetkizýdi kózdep otyrmyz. Sondai-aq, dini ekstremizmmen kúreste, halyq arasynda beibitshilik pen yntymaqtastyqty nyǵaitýda da ÚEU birlese jumys atqarmaqpyz, – dedi Jaqsylyq Omar.
Sonymen qatar, ShQO máslihatynyń depýtaty, oblystyq Azamattyq Alians tóraǵasy Oleg Chernyshovtyń aitýynsha, atqarýshy bilik pen úkimettik emes sektor arasyndaǵy bailanys túrli salada nyǵaiyp keledi.
– 1990 jyldan beri oblysta ÚEU jergilikti atqarýshy bilikpen tyǵyz jumys istep, densaýlyq, TÚKSh syndy salalarda ózekti máselelerdiń aldyn aldy. Búginde memlekettik mekeme men úkimettik emes sektor jumys qarqynyn jańa deńgeige kóterip, áleýmettik máselelerdiń sheshimin tabýda jańa jobalardy qurýda, – dedi Oleg Chernyshov.
Forým sońynda respýblikalyq azamattyq keńes forýmynda ShQO atynan baratyn delegattardyń tizimi jariialandy. Sondai-aq, 25 jylda jumys kórsetkishi boiynsha joǵary jetistikke jetken ÚEU basshylary marapattaldy.
