ويتكەنى وبلىستاعى جىلىجايلاردىڭ 50 پايىزى وسى اۋدانعا تيەسىلى. كۇنى كەشە سارىاعاش اۋدانى اكىمدىگىنىڭ ءماجىلىس زالىندا «تۇركىستان» الەۋمەتتىك – كاسىپكەرلىك كورپوراسياسى» اكسيونەرلىك قوعامىنىڭ ۇيىمداستىرۋىمەن سارىاعاش اۋدانىندا ونەركاسىپتىك جىلىجاي جوبالارىن الەمدە ءساتتى جۇرگىزىپ كەلە جاتقان شەتەلدىك يسپانيانىڭ «ULMA Agricola» كومپانياسىنىڭ وكىلى ر.مارتين، تۇركيانىڭ «NGS Teknik» كومپانياسىنىڭ وكىلى ن.شيرين، «Panel Dizayn» كومپانياسىنىڭ وكىلى ب.يالچين،وزبەكستاننىڭ «Semak Group» حالىقارالىق كومپانياسىنىڭ وكىلى ك.مۋحامماداليمەن كەزدەسۋ جيىنى ءوتتى.
جيىنعا اۋدان اكىمىنىڭ ورىنباسارى س.تاسقۇلوۆ، اۋداننىڭ اۋىل شارۋاشىلىعى ءبولىمىنىڭ باسشىسى ن.تاليپوۆ، «تۇركىستان» اكك» اق-نىڭ دامۋ جونىندەگى اتقارۋشى ديرەكتورى ۇ.اپپازوۆ، ءتيىستى ءبولىم باسشىلارى، قالا، كەنت جانە اۋىلدىق وكرۋگتەردىڭ اۋىل شارۋاشىلىعى ماماندارى، اۋداننىڭ جىلىجاي شارۋاشىلىعى سالاسىندا بەلسەندى ارەكەت ەتۋشى كاسىپكەرلەر مەن ب ا ق وكىلدەرى قاتىستى.
جيىن بارىسىندا بۇگىنگى تاڭدا ونەركاسىپتىك جىلىجاي سالاسىندا قولدانىلىپ جاتقان الدىڭعى قاتارلى الەمدىك تەحنولوگيالار، سالانىڭ دامۋىنا تۇرتكى بولاتىن جاڭا مۇمكىندىكتەر جانە ينۆەستيسيالىق جوبالاردى مەملەكەتتىك قولداۋ شارالارى تالقىلاندى.
