Óıtkeni oblystaǵy jylyjaılardyń 50 paıyzy osy aýdanǵa tıesili. Kúni keshe Saryaǵash aýdany ákimdiginiń májilis zalynda «Túrkistan» áleýmettik – kásipkerlik korporasıasy» aksıonerlik qoǵamynyń uıymdastyrýymen Saryaǵash aýdanynda ónerkásiptik jylyjaı jobalaryn álemde sátti júrgizip kele jatqan sheteldik Ispanıanyń «ULMA Agricola» kompanıasynyń ókili R.Martın, Túrkıanyń «NGS Teknik» kompanıasynyń ókili N.Shırın, «Panel Dizayn» kompanıasynyń ókili B.Ialchın,Ózbekstannyń «Semak Group» halyqaralyq kompanıasynyń ókili K.Mýhammadalımen kezdesý jıyny ótti.
Jıynǵa aýdan ákiminiń orynbasary S.Tasqulov, aýdannyń aýyl sharýashylyǵy bóliminiń basshysy N.Talıpov, «Túrkistan» ÁKK» AQ-nyń damý jónindegi atqarýshy dırektory U.Appazov, tıisti bólim basshylary, qala, kent jáne aýyldyq okrýgterdiń aýyl sharýashylyǵy mamandary, aýdannyń jylyjaı sharýashylyǵy salasynda belsendi áreket etýshi kásipkerler men BAQ ókilderi qatysty.
Jıyn barysynda búgingi tańda ónerkásiptik jylyjaı salasynda qoldanylyp jatqan aldyńǵy qatarly álemdik tehnologıalar, salanyń damýyna túrtki bolatyn jańa múmkindikter jáne ınvestısıalyq jobalardy memlekettik qoldaý sharalary talqylandy.
