شارانى ۇيىمداستىرۋعا Huawei كومپانيياسى مەن حالىقارالىق Astana Hub IT – ستارتاپتار تەحنوپاركٸ ۇيىتقى بولدى.
5G جەلٸسٸنٸڭ ٶتكٸزۋ قابٸلەتٸ مەن جىلدامدىعى جوعارى بولعاندىقتان قوعام ٶمٸرٸنٸڭ بارلىق سالاسىن ٶزگەرتە الادى. كٶلٸك جٷرگٸزۋ سەكٸلدٸ قاراپايىم داعدىدان باستاپ, ٶندٸرٸستٸ اۆتوماتتاندىرۋ سالاسى 5G-دٸڭ يگٸلٸگٸن سەزٸنە الادى.
5G تەحنولوگييالىق تٶڭكەرٸستٸڭ باستاۋىندا تۇرعان جوبا. شارا بارىسىندا Huawei ساراپشىلارى تانىستىرعان جاڭا تەحنولوگييالار 5G جەلٸسٸنٸڭ پوتەنتسيالىن پاش ەتۋگە مٷمكٸندٸك بەردٸ.
«5G ستاندارتى ەكونوميكانىڭ تامىرىنا قان جٷگٸرتەتٸن بولادى. Huawei ساراپشىلارىنىڭ زەرتتەگەنٸندەي جاڭا جەلٸ جالپى ٸشكٸ ٶنٸمدٸ (جٸٶ) 6,9 ترلن دوللارعا دەيٸن ۇلعايتىپ, 11 ملن-عا جۋىق جاڭا جۇمىس ورىندارىن اشادى», – دەدٸ وسىعان قاتىستى كٶلەمدٸ بايانداما جاساعان Huawei كومپانيياسىنىڭ ماركەتولوگى پاۆول سيروتينكين (جوعارىدا سۋرەتتە, رەد).
تۇتىنۋشىلاردىڭ اۋقىمى ٶسكەن جاعدايدا كورپوراتيۆتٸك جەنە ٶندٸرٸستٸك سالادان بٶلەك, قولدانۋشىلار سەكتورىنىڭ مٷمكٸندٸگٸن ارتتىرۋ قاجەت.
5G ستاندارتىنىڭ ىقپالى جىل ٶتكەن سايىن ارتا تٷسپەك. سەبەبٸ,
ينتەرنەت جەلٸسٸنٸڭ جىلدامدىعىنا تەۋەلدٸ جاڭا سەرۆيستەر پايدا بولۋدا. جەلٸ وپەراتورلارى ستريمينگتٸك سەرۆيستەر, ۆيرتۋالدى تەحنولوگييالاردىڭ تالابىنان شىعۋعا تىرىسادى.
«Huawei ۇسىنعان FWA Suite2H يننوۆاتسييالى شەشٸمٸ بۇل - ٷيگە ارنالعان 5G قىزمەتٸنٸڭ پرەميالدى تٷرٸ. سونىڭ كٶمەگٸمەن ابونەنتتەر ساپالى ەرٸ جىلدام جەلٸگە قول جەتكٸزٸپ, ٷيدەگٸ قۇرىلعىلاردى قاشىقتان باسقارا الاتىن مٷمكٸندٸككە يە بولادى. FWA Suite2H-نٸڭ بۇدان باسقا دا باسىمدىقتارى بار», – دەيدٸ Huawei ٶنٸمدەرٸنٸڭ مەنەدجەرٸ دانييار ەسپاەۆ.
قازاقستاندا 5G ستاندارتىن ەنگٸزۋ جىل سوڭىنا دەيٸن ەلٸمٸزدٸڭ ٷش قالاسىندا جٷزەگە اسادى. 5G تەحنولوگيياسىن ەندٸرۋدٸڭ الدىڭعى ساپىندا تۇرعان Huawei كومپانيياسى قازاقستاندا اتالعان جەلٸنٸڭ پيلوتتىق جوباسىن ٸسكە قوسۋعا اتسالىستى. كومپانييا ۇسىنعان يدەيالار جەلٸنٸڭ ٶتكٸزۋ قابٸلەتٸن ارتتىرىپ, جىلدامدىقتى ۇلعايتاتىن بولادى, سونىڭ نەگٸزٸندە مىڭداعان قولدانۋشى ٷشٸن ينتەرنەتتٸڭ ورتاشا جىلدامدىعى ارتادى.
مەلٸمەتتٸ جولداۋدىڭ جىلدامدىعى ارتىپ, كەشەۋٸلدەۋ تٷسٸنٸگٸ مٷلدە جوعالعاندا, مەلٸمەتتەر بازاسىنىڭ قۇپيياسى ساقتالىپ, سەنٸمدٸ قورعالعان كەزدە مەملەكەتتٸك قۇرىلىمدار, كورپوراتيۆتٸك جەنە كوممەرتسييالىق سالاداعى جٷزدەگەن, مىڭداعان كومپانييالار 5G ستاندارتىنىڭ يگٸلٸگٸن سەزٸنەدٸ.
«بيىلعى جىلى ٶز ٶنٸمدەرٸن 5G-مەن بايلانىستىرۋدى كٶزدەيتٸن ٸت كومپانييالارعا ارنالعان ورتالىق اشۋدى جوسپارلاپ وتىرمىز. Huawei 5G ستاندارتىن كٸرٸكتٸرۋ باعىتىنداعى جەتەكشٸ كومپانييالاردىڭ بٸرٸ. كومپانييانىڭ تەجٸريبەسٸ جاڭا جوبالاردى دامىتۋعا جول اشادى», – دەدٸ شارانى تٷيٸندەگەن Astana Hub يننوۆاتسييالار جەنە ساندىق تەحنولوگييالار كەڭسەسٸنٸڭ ديرەكتورى تانات ٶسكەمباەۆ.
