Sharany uiymdastyrýǵa Huawei kompaniiasy men halyqaralyq Astana Hub IT – startaptar tehnoparki uiytqy boldy.
5G jelisiniń ótkizý qabileti men jyldamdyǵy joǵary bolǵandyqtan qoǵam ómiriniń barlyq salasyn ózgerte alady. Kólik júrgizý sekildi qarapaiym daǵdydan bastap, óndiristi avtomattandyrý salasy 5G-diń igiligin sezine alady.
5G tehnologiialyq tóńkeristiń bastaýynda turǵan joba. Shara barysynda Huawei sarapshylary tanystyrǵan jańa tehnologiialar 5G jelisiniń potentsialyn pash etýge múmkindik berdi.
«5G standarty ekonomikanyń tamyryna qan júgirtetin bolady. Huawei sarapshylarynyń zerttegenindei jańa jeli jalpy ishki ónimdi (JIÓ) 6,9 trln dollarǵa deiin ulǵaityp, 11 mln-ǵa jýyq jańa jumys oryndaryn ashady», – dedi osyǵan qatysty kólemdi baiandama jasaǵan Huawei kompaniiasynyń marketology Pavol Sirotinkin (joǵaryda sýrette, red).
Tutynýshylardyń aýqymy ósken jaǵdaida korporativtik jáne óndiristik saladan bólek, qoldanýshylar sektorynyń múmkindigin arttyrý qajet.
5G standartynyń yqpaly jyl ótken saiyn arta túspek. Sebebi,
internet jelisiniń jyldamdyǵyna táýeldi jańa servister paida bolýda. Jeli operatorlary strimingtik servister, virtýaldy tehnologiialardyń talabynan shyǵýǵa tyrysady.
«Huawei usynǵan FWA Suite2H innovatsiialy sheshimi bul - úige arnalǵan 5G qyzmetiniń premialdy túri. Sonyń kómegimen abonentter sapaly ári jyldam jelige qol jetkizip, úidegi qurylǵylardy qashyqtan basqara alatyn múmkindikke ie bolady. FWA Suite2H-niń budan basqa da basymdyqtary bar», – deidi Huawei ónimderiniń menedjeri Daniiar Espaev.
Qazaqstanda 5G standartyn engizý jyl sońyna deiin elimizdiń úsh qalasynda júzege asady. 5G tehnologiiasyn endirýdiń aldyńǵy sapynda turǵan Huawei kompaniiasy Qazaqstanda atalǵan jeliniń pilottyq jobasyn iske qosýǵa atsalysty. Kompaniia usynǵan ideialar jeliniń ótkizý qabiletin arttyryp, jyldamdyqty ulǵaitatyn bolady, sonyń negizinde myńdaǵan qoldanýshy úshin internettiń ortasha jyldamdyǵy artady.
Málimetti joldaýdyń jyldamdyǵy artyp, kesheýildeý túsinigi múlde joǵalǵanda, málimetter bazasynyń qupiiasy saqtalyp, senimdi qorǵalǵan kezde memlekettik qurylymdar, korporativtik jáne kommertsiialyq saladaǵy júzdegen, myńdaǵan kompaniialar 5G standartynyń igiligin sezinedi.
«Biylǵy jyly óz ónimderin 5G-men bailanystyrýdy kózdeitin IT kompaniialarǵa arnalǵan ortalyq ashýdy josparlap otyrmyz. Huawei 5G standartyn kiriktirý baǵytyndaǵy jetekshi kompaniialardyń biri. Kompaniianyń tájiribesi jańa jobalardy damytýǵa jol ashady», – dedi sharany túiindegen Astana Hub innovatsiialar jáne sandyq tehnologiialar keńsesiniń direktory Tanat Óskembaev.
