ينتەرنەت قوسىلىمىنىڭ ساپاسىن تالداۋعا ماماندانعان SpeedGeo پلاتفورماسى قازاقستانداعى بايلانىس نارىعىنا قاتىستى جىل سايىنعى زەرتتەۋ ناتيجەلەرىن ۇسىندى. رەيتينگ ءموبيلدى ينتەرنەت جىلدامدىعىنا قاتىستى پايدالانۋشىلار جۇرگىزگەن ولشەمدەر نەگىزىندە جاسالعان.
SpeedGeo-نىڭ 2025 جىلعى ەسەبىنە سايكەس، دەرەكتەردى جۇكتەۋدىڭ ورتاشا جىلدامدىعى بويىنشا Kcell كوش باستادى. كومپانيا جەلىسىندە download speed كورسەتكىشى 61،1 مبيت/س-قا جەتىپ، بۇل ناتيجەمەن Kcell قازاقستانداعى ءموبيلدى بايلانىس وپەراتورلارى اراسىندا ءبىرىنشى ورىندى يەلەندى.
زەرتتەۋ ادىستەمەسى
زەرتتەۋ SpeedGeo (V-SPEED) پلاتفورماسىنىڭ كراۋدسورسينگتىك دەرەكتەرىنە نەگىزدەلگەن. پلاتفورما ينتەرنەت جىلدامدىعىن ءموبيلدى قوسىمشا ارقىلى پايدالانۋشىلاردىڭ وزدەرى جاساعان ولشەمدەر ارقىلى جينايدى. زەرتحانالىق جاعدايداعى تەستىلەردەن ايىرماشىلىعى، بۇل ولشەمدەر ابونەنتتەردىڭ كۇندەلىكتى قولدانۋ تاجىريبەسىن كورسەتەدى — جىلدامدىق ۇيدە نەمەسە جۇمىس ورنىندا تىركەلەدى.
قازاقستانداعى ءموبيلدى ينتەرنەت ساپاسىن تالداۋ بارىسىندا سمارتفوندار مەن پلانشەتتەر ارقىلى 59 214 تەست جۇرگىزىلگەن. ال سىمدى ينتەرنەت ساپاسىن باعالاۋ ءۇشىن Ethernet جانە Wi-Fi قوسىلىمدارى ارقىلى جاسالعان 111 807 ولشەم پايدالانىلعان. وپەراتورلاردى رەيتينگتەۋ بارىسىندا نەگىزگى كورسەتكىش رەتىندە دەرەكتەردى جۇكتەۋدىڭ ورتاشا جىلدامدىعى الىنعان.
SpeedGeo ادىستەمەسى ابونەنتتەردىڭ ينتەرنەتتى ناقتى پايدالانۋ تاجىريبەسىن كورسەتۋگە مۇمكىندىك بەرەدى، الايدا ونىڭ ءبىرقاتار ەرەكشەلىكتەرى بار. ناتيجەلەرگە پايدالانۋشىلاردىڭ قۇرىلعىلارىنىڭ تەحنيكالىق سيپاتتامالارى، ءۇي جەلىسىنىڭ جاعدايى، سونداي-اق بايلانىس ارنالارىنىڭ جەرگىلىكتى جۇكتەمەسى اسەر ەتۋى مۇمكىن.
سونىمەن قاتار SpeedGeo دەرەكتەرىنىڭ ۇلگى كولەمى جۇزدەگەن مىڭ نەمەسە ميلليونداعان ولشەمدەردى تالدايتىن ءىرى حالىقارالىق پلاتفورمالارمەن سالىستىرعاندا ازداۋ. وسىعان بايلانىستى جاريالانعان مالىمەتتەردى بۇكىل نارىقتى تولىق قامتيتىن امبەباپ رەيتينگ رەتىندە ەمەس، پايدالانۋشى تاجىريبەسىنە نەگىزدەلگەن كراۋدسورسينگتىك زەرتتەۋ ناتيجەسى رەتىندە قاراستىرعان ءجون.
