Internet qosylymynyń sapasyn taldaýǵa mamandanǵan SpeedGeo platformasy Qazaqstandaǵy baılanys naryǵyna qatysty jyl saıynǵy zertteý nátıjelerin usyndy. Reıtıń mobıldi ınternet jyldamdyǵyna qatysty paıdalanýshylar júrgizgen ólshemder negizinde jasalǵan.
SpeedGeo-nyń 2025 jylǵy esebine sáıkes, derekterdi júkteýdiń ortasha jyldamdyǵy boıynsha Kcell kósh bastady. Kompanıa jelisinde download speed kórsetkishi 61,1 Mbıt/s-qa jetip, bul nátıjemen Kcell Qazaqstandaǵy mobıldi baılanys operatorlary arasynda birinshi oryndy ıelendi.
Zertteý ádistemesi
Zertteý SpeedGeo (V-SPEED) platformasynyń kraýdsorsıngtik derekterine negizdelgen. Platforma ınternet jyldamdyǵyn mobıldi qosymsha arqyly paıdalanýshylardyń ózderi jasaǵan ólshemder arqyly jınaıdy. Zerthanalyq jaǵdaıdaǵy testilerden aıyrmashylyǵy, bul ólshemder abonentterdiń kúndelikti qoldaný tájirıbesin kórsetedi — jyldamdyq úıde nemese jumys ornynda tirkeledi.
Qazaqstandaǵy mobıldi ınternet sapasyn taldaý barysynda smartfondar men planshetter arqyly 59 214 test júrgizilgen. Al symdy ınternet sapasyn baǵalaý úshin Ethernet jáne Wi-Fi qosylymdary arqyly jasalǵan 111 807 ólshem paıdalanylǵan. Operatorlardy reıtıńteý barysynda negizgi kórsetkish retinde derekterdi júkteýdiń ortasha jyldamdyǵy alynǵan.
SpeedGeo ádistemesi abonentterdiń ınternetti naqty paıdalaný tájirıbesin kórsetýge múmkindik beredi, alaıda onyń birqatar erekshelikteri bar. Nátıjelerge paıdalanýshylardyń qurylǵylarynyń tehnıkalyq sıpattamalary, úı jelisiniń jaǵdaıy, sondaı-aq baılanys arnalarynyń jergilikti júktemesi áser etýi múmkin.
Sonymen qatar SpeedGeo derekteriniń úlgi kólemi júzdegen myń nemese mıllıondaǵan ólshemderdi taldaıtyn iri halyqaralyq platformalarmen salystyrǵanda azdaý. Osyǵan baılanysty jarıalanǵan málimetterdi búkil naryqty tolyq qamtıtyn ámbebap reıtıń retinde emes, paıdalanýshy tájirıbesine negizdelgen kraýdsorsıngtik zertteý nátıjesi retinde qarastyrǵan jón.
