الماتى قالاسىندا اۆتوبۋس اپاتتارىنىڭ سانى ارتىپ كەلەدى، دەپ حابارلايدى Dalanews.kz.
اكىمشىلىك پوليسيا باسقارماسىنىڭ باستىعى اسحات قۇلبايەۆتىڭ مالىمەتىنشە، جىل باسىنان بەرى مەگاپوليستە قوعامدىق كولىك قاتىسقان 460-تان استام جول-كولىك وقيعاسى تىركەلىپ، ولاردىڭ سالدارىنان 600-دەن استام ادام زارداپ شەككەن. رەيدتىك ءىس-شارالار بارىسىندا پوليسەيلەر اۆتوبۋستار جۇرگىزۋشىلەرى تاراپىنان ەكى مىڭنان استام جول ءجۇرۋ ەرەجەسىن بۇزۋ فاكتىسىن انىقتاعان.
ونىڭ ايتۋىنشا، اۆتوپارك باسشىلارى جۇرگىزۋشىلەرمەن ءار كۇن سايىن جولعا شىعار الدىندا نۇسقاۋلىق جۇمىستارىن وتكىزىپ، سونداي-اق، اۆتوبۋستاردىڭ تەحنيكالىق جاعدايىن قاتاڭ باقىلاۋدا ۇستاۋى ءتيىس. اسىرەسە، قىس ماۋسىمى كەزىندە قاۋىپسىزدىكتى بارىنشا قاتاڭداتۋ قاجەت.
