"قورعاس" شەكارا ماڭى ىنتىماقتاستىعى حالىقارالىق ورتالىعىندا قازاقستان رەسپۋبليكاسى كولىك مينيسترلىگى مەن جۇڭگو حالىق رەسپۋبليكاسىنىڭ كولىك مينيسترلىگى وكىلدەرىنىڭ حالىقارالىق اۆتوموبيل تاسىمالدارى ماسەلەلەرىنە قاتىستى كەزدەسۋى ءوتتى،دەپ حابارلايدى Dalanews.kz.
كەلىسسوزدەردىڭ ناتيجەسىندە تاراپتار ماڭىزدى كەلىسىمدەرگە قول جەتكىزدى. جۇڭگو 6–12 قاراشا ارالىعىندا قازاقستانعا 15 مىڭ رۇقسات قاعازىن بەرەدى. وسى مالىمەتتەر ارقىلى قازاقستاندىق تاسىمالداۋشىلاردىڭ ناقتى قاجەتتىلىگى انىقتالىپ، كەيىن رۇقساتتار كۇن سايىن بەرىلەدى.
2026 جىلدان باستاپ رۇقسات قاعازدارىن شەكتەۋسىز، اۆتوماتتى تۇردە بەرۋ جۇيەسى ەنگىزىلەدى. بۇل مۇمكىندىك جۇڭگو زاڭدارىن بۇرىن بۇزباعان تاسىمالداۋشىلارعا قولدانىلادى.
