جەتىسۋ وبلىسىنداعى ەگىن ورۋ جۇمىستارى اقسۋ، الاكول، ەسكەلدى، قاراتال، كەربۇلاق، كوكسۋ، سارقان اۋداندارى مەن تالدىقورعان قالاسىندا ءجۇرىپ جاتىر، – دەپ حابارلايدى Dalanews.kz..

جەتىسۋ وبلىستىق اۋال شارۋاشىلىعى باسقارماسىنىڭ مالىمەتىنە قاراعاندا، بۇگىنگى كۇنى 46،3 مىڭ گەكتار ءماساقتى-داندى داقىلدار ورىلىپ، 85،7 مىڭ توننا استىق باستىرىلدى.

ورتاشا ونىمدىلىك گەكتارىنا 18،5 سەنتنەردەن اينالىپ وتىر.

– ەگىن جيناۋ جۇمىستارىنا وبلىسقا 7924 توننا ديزەل وتىنى ءبولىندى. قازىرگى ۋاقىتتا وپەراتور انىقتالىپ، جەرگىلىكتى وپەراتور رەسۋرس ۇستاۋشى كومپانيامەن كەلىسىمشارتقا وتىرعان. وپەراتوردىڭ رەزەرۆىندە ءقازىر 500 توننا ديزەل وتىنى بار. سۇيىق وتىن بەرۋگە شارۋاشىلىقتارمەن كەلىسىم شارتتار جاسالۋدا، – دەلىنگەن باسقارما حابارلاماسىندا.

جالپى وبلىستا ءداندى داقىلدار 325،2 مىڭ گەكتارعا سەبىلگەن، سونىڭ 267،2 مىڭ گەكتارى – ءماساقتى-داندى داقىلدار.