Jetisýlyq sharýalar astyq jinaýǵa kiristi
Jetisý oblystyq Aýal sharýashylyǵy basqarmasynyń málimetine qaraǵanda, búgingi kúni 46,3 myń gektar masaqty-dándi daqyldar orylyp, 85,7 myń tonna astyq bastyryldy.
Ortasha ónimdilik gektaryna 18,5 tsentnerden ainalyp otyr.
– Egin jinaý jumystaryna oblysqa 7924 tonna dizel otyny bólindi. Qazirgi ýaqytta operator anyqtalyp, jergilikti operator resýrs ustaýshy kompaniiamen kelisimshartqa otyrǵan. Operatordyń rezervinde qazir 500 tonna dizel otyny bar. Suiyq otyn berýge sharýashylyqtarmen kelisim sharttar jasalýda, – delingen basqarma habarlamasynda.
Jalpy oblysta dándi daqyldar 325,2 myń gektarǵa sebilgen, sonyń 267,2 myń gektary – masaqty-dándi daqyldar.
