بيىل قۇنى 14،1 ملرد تەڭگەنى قۇراعان 3 جوبا پايدالانۋعا بەرىلى، 578 ادامدى جۇمىسپەن قامتىدى. سولاردىڭ ىشىندەگى ەڭ ءىرىسى «جەتىسۋ ماجيكو» اگروكەشەنى مايلى داقىلداردى قايتا وڭدەۋ زاۋىتى، «NauryzAgro» برويلەر باعىتىنداعى قۇس فابريكاسى، «جەتىسۋ سويا» بايپاستى پروتەين مەن سويا مايىن ءوندىرۋ زاۋىتى.
جىل سوڭىنا دەيىن جالپى قۇنى 90 ملرد تەڭگە بولاتىن 9 جوبا ىسكە قوسىلىپ، 1800-دەن استام جۇمىس ورنى اشىلادى.
يندۋستريالاندىرۋ كارتاسىنىڭ جوبالارى بويىنشا «بيزنەستىڭ جول كارتاسى – 2025» باعدارلاماسى شەڭبەرىندە قاجەتتى ينفراقۇرىلىمدى جۇرگىزىپ بەرۋ، ۆيزالىق قولداۋ، شەتەلدىك جۇمىس كۇشىنە كۆوتا بەرۋ، جەر ۋچاسكەلەرىن ءبولۋ، جەڭىلدىكپەن نەسيە بەرۋ، كەدەندىك باجدان بوساتۋ تۇرىندەگى مەملەكەتتىك قولداۋ شارالارى تۇراقتى نەگىزدە كورسەتىلىپ كەلەدى.
ەستەرىڭىزگە سالار بولساق، يندۋستريالاندىرۋ جىلدارىندا (2010-2019 جىلدار) وبلىستا بارلىعى 344،2 ملرد تەڭگەگە 64 نىسان ىسكە قوسىلدى. 10 مىڭعا جۋىق جۇمىس ورنى قۇرىلىپ، 307،6 ملرد تەڭگەنىڭ ءونىمى ءوندىرىلدى.
