Bıyl quny 14,1 mlrd teńgeni quraǵan 3 joba paıdalanýǵa berili, 578 adamdy jumyspen qamtydy. Solardyń ishindegi eń irisi «Jetisý Majıko» agrokesheni maıly daqyldardy qaıta óńdeý zaýyty, «NauryzAgro» broıler baǵytyndaǵy qus fabrıkasy, «Jetisý Soıa» baıpasty proteın men soıa maıyn óndirý zaýyty.
Jyl sońyna deıin jalpy quny 90 mlrd teńge bolatyn 9 joba iske qosylyp, 1800-den astam jumys orny ashylady.
Indýstrıalandyrý kartasynyń jobalary boıynsha «Bıznestiń jol kartasy – 2025» baǵdarlamasy sheńberinde qajetti ınfraqurylymdy júrgizip berý, vızalyq qoldaý, sheteldik jumys kúshine kvota berý, jer ýchaskelerin bólý, jeńildikpen nesıe berý, kedendik bajdan bosatý túrindegi memlekettik qoldaý sharalary turaqty negizde kórsetilip keledi.
Esterińizge salar bolsaq, ındýstrıalandyrý jyldarynda (2010-2019 jyldar) oblysta barlyǵy 344,2 mlrd teńgege 64 nysan iske qosyldy. 10 myńǵa jýyq jumys orny qurylyp, 307,6 mlrd teńgeniń ónimi óndirildi.
