جول كارتاسىندا كورسەتىلگەندەي، ءبىرىنشى باستاما بويىنشا «7-20-25» باعدارلاماسىنا سايكەس جوسپارلانعان شارالاردىڭ ناتيجەسىندە 2022 جىلعا قاراي الماتى وبلىسىندا تۇرعىن ءۇي كەشەندەرىنىڭ قۇرىلىسى ەسەبىنەن جالپى الاڭى 2،3 ملن شارشى مەتر بولاتىن 18456 پاتەرلىك 953 ءۇي سالىنادى دەپ جوسپارلانىپ وتىر. قۇرىلىس بارىسىندا قارجىلاندىرۋدىڭ ءتۇرلى كوزدەرى، سونىڭ ىشىندە جەكە ينۆەستيسيا دا تارتىلادى.
ال مەملەكەتتىك گرانتتاردىڭ سانىن ارتتىرۋ تۋرالى باستاما جاستار ءۇشىن ۇلكەن دەمەۋ بولۋدا. 2018-2019 جىلى وقۋ جىلىندا وڭىردە مەملەكەتتىك گرانت يەگەرلەرىنىڭ سانى 2 مىڭعا ارتپاق.ال 2019-2020 جىلدارعا مەملەكەتتىك-جەكەمەنشىك سەرىكتەستىك نەگىزىندە وڭىردە جالپى ورىن سانى 2650 بولاتىن 10 جاتاقحانا سالىناتىن بولادى. ونىڭ ىشىندە ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتى مەن سۇلەيمەن دەميرەل اتىنداعى ۋنيۆەرسيتەتكە جانە وبلىس وڭىرلەرىندەگى 7 كوللەدجگە جاتاقحانا سالۋ جوسپاردا بار.
ءتورتىنشى باستامانى جۇزەگە اسىرۋ ماقساتىندا بيىلعى جىلدىڭ ءبىرىنشى جارتىسىنىڭ سوڭىنا دەيىن وڭىرلىك كاسىپكەرلەر پالاتاسىنىڭ قاتىسۋىمەن وبلىستا ميكروقارجىلىق ۇيىمدار قۇرىلاتىن بولادى. سونىڭ نەگىزىندە شاعىن نەسيەلەندىرۋمەن كەم دەگەندە 10 جوبا قامتىلماق. سونىمەن قاتار شاعىن نەسيەلەندىرۋدى كەڭەيتۋگە باعىتتالعان جۇمىستار جالعاستىرىلىپ، اۋىلدىق جەرلەر، تالدىقورعان، تەكەلى قالالارى جانە وبلىستىڭ وزگە دە شاعىن قالالارىنا شاعىن نەسيە ءۇشىن قوسىمشا قارجى ءبولۋ قاراستىرىلادى.
بەسىنشى باستاما شەڭبەرىندە وبلىستى گازداندىرۋ شارالارى قابىلدانۋدا. ماسەلەن، «جەتىگەن» اگبس پەن «بايسەركە-جەتىگەن» جيناقتاۋشى گاز قۇبىرىن ىسكە قوسۋ ارقىلى تالعار جانە ىلە اۋداندارىنىڭ 30 مىڭ حالقى بار 8 ەلدى مەكەنى گازداندىرىلادى. سول سياقتى 2019-2020 جىلداردا اۋىلىشىلىك گاز ءبولۋ جۇيەسى قۇرىلىستارىنا قاتىستى 60 جوبالىق-سمەتالىق قۇجاتتاما دايىنداۋ جوسپارلانعان.
ءسويتىپ، جەكە يۆەستيسيالار تارتىلاتىن جوبالار جۇزەگە اسىرىلعاننان كەيىن 2020 جىلعا قاراي الماتى اگلومەراسياسىنىڭ ەلدى مەكeندەرى 100% قامتىلادى. ەڭبەكشىقازاق، جامبىل، ىلە، قاراساي، تالعار اۋداندارىنىڭ جانە قاپشاعاي قالاسىنىڭ 60 ەلدىمەكەنىن گازداندىرۋ جاڭا جۇمىس ورىندارىنىڭ اشىلۋىنا ىقپال ەتىپ، ءوڭىردىڭ ەكونوميكالىق دامۋىنا جاڭا سەرپىن بەرەدى.
«الماتى-تالدىقورعان» ماگيسترالدى گاز قۇبىرىنىڭ جۇكتەمەسىنە قاتىستى جۇمىستاردىڭ ناتيجەسىندە تالدىقوعان قالاسىن، ونىڭ ماڭىنداعى ساياجايلاردى، قاراتال، بالقاش، كەربۇلاق، ەسكەلدى، كوكسۋ اۋداندارىنىڭ ەلدى مەكەندەرىن، تەكەلى قالاسىن گازداندىرۋ جالعاسادى. سول سياقتى «ءتالدىقورعان-ۇشارال» مگ قۇرىلىسى جوسپارلانعان. 2019 جىلى شەكارالىق اۋداندارعا كوگىلدىر وتىن جەتكىزۋ جۇمىستارى باستالادى.
جالاقىسى تومەن ازاماتتاردىڭ كىرىسىن ارتتىرۋ ماقساتىندا سالىق جۇكتەمەسىن ازايتۋ جونىندەگى ماڭىزدى باستامانى جۇزەگە اسىرۋ بويىنشا دا قاجەتتى شارالار قابىلداۋ قاراستىرىلعان.
الماتى وبلىسى اكىمىنىڭ باسپا ءسوز قىزمەتى
