Jol kartasynda kórsetilgendeı, birinshi bastama boıynsha «7-20-25» baǵdarlamasyna sáıkes josparlanǵan sharalardyń nátıjesinde 2022 jylǵa qaraı Almaty oblysynda turǵyn úı keshenderiniń qurylysy esebinen jalpy alańy 2,3 mln sharshy metr bolatyn 18456 páterlik 953 úı salynady dep josparlanyp otyr. Qurylys barysynda qarjylandyrýdyń túrli kózderi, sonyń ishinde jeke ınvestısıa da tartylady.
Al memlekettik granttardyń sanyn arttyrý týraly bastama jastar úshin úlken demeý bolýda. 2018-2019 jyly oqý jylynda óńirde memlekettik grant ıegerleriniń sany 2 myńǵa artpaq.Al 2019-2020 jyldarǵa memlekettik-jekemenshik seriktestik negizinde óńirde jalpy oryn sany 2650 bolatyn 10 jataqhana salynatyn bolady. Onyń ishinde İ.Jansúgirov atyndaǵy Jetisý memlekettik ýnıversıteti men Súleımen Demırel atyndaǵy ýnıversıtetke jáne oblys óńirlerindegi 7 kolejge jataqhana salý josparda bar.
Tórtinshi bastamany júzege asyrý maqsatynda bıylǵy jyldyń birinshi jartysynyń sońyna deıin óńirlik kásipkerler palatasynyń qatysýymen oblysta mıkroqarjylyq uıymdar qurylatyn bolady. Sonyń negizinde shaǵyn nesıelendirýmen kem degende 10 joba qamtylmaq. Sonymen qatar shaǵyn nesıelendirýdi keńeıtýge baǵyttalǵan jumystar jalǵastyrylyp, aýyldyq jerler, Taldyqorǵan, Tekeli qalalary jáne oblystyń ózge de shaǵyn qalalaryna shaǵyn nesıe úshin qosymsha qarjy bólý qarastyrylady.
Besinshi bastama sheńberinde oblysty gazdandyrý sharalary qabyldanýda. Máselen, «Jetigen» AGBS pen «Baıserke-Jetigen» jınaqtaýshy gaz qubyryn iske qosý arqyly Talǵar jáne İle aýdandarynyń 30 myń halqy bar 8 eldi mekeni gazdandyrylady. Sol sıaqty 2019-2020 jyldarda aýylishilik gaz bólý júıesi qurylystaryna qatysty 60 jobalyq-smetalyq qujattama daıyndaý josparlanǵan.
Sóıtip, jeke ıvestısıalar tartylatyn jobalar júzege asyrylǵannan keıin 2020 jylǵa qaraı Almaty aglomerasıasynyń eldi mekenderi 100% qamtylady. Eńbekshiqazaq, Jambyl, İle, Qarasaı, Talǵar aýdandarynyń jáne Qapshaǵaı qalasynyń 60 eldimekenin gazdandyrý jańa jumys oryndarynyń ashylýyna yqpal etip, óńirdiń ekonomıkalyq damýyna jańa serpin beredi.
«Almaty-Taldyqorǵan» magıstraldy gaz qubyrynyń júktemesine qatysty jumystardyń nátıjesinde Taldyqoǵan qalasyn, onyń mańyndaǵy saıajaılardy, Qaratal, Balqash, Kerbulaq, Eskeldi, Kóksý aýdandarynyń eldi mekenderin, Tekeli qalasyn gazdandyrý jalǵasady. Sol sıaqty «Taldyqorǵan-Úsharal» MG qurylysy josparlanǵan. 2019 jyly shekaralyq aýdandarǵa kógildir otyn jetkizý jumystary bastalady.
Jalaqysy tómen azamattardyń kirisin arttyrý maqsatynda salyq júktemesin azaıtý jónindegi mańyzdy bastamany júzege asyrý boıynsha da qajetti sharalar qabyldaý qarastyrylǵan.
Almaty oblysy ákiminiń baspasóz qyzmeti
