اۋىل شارۋاشىلىعى قىزمەتكەرلەرٸن كەسٸبي مەرەكەلەرٸمەن قۇتتىقتاعان وبلىس ەكٸمٸ قانات بوزىمباەۆ اگروٶنەركەسٸپ كەشەنٸنٸڭ ەل ٶمٸرٸندەگٸ ماڭىزىنا توقتالدى.
– ەلدٸگٸمٸزدٸ ەسەلەپ, بٸرلٸگٸمٸزدٸ نىعايتقان تەۋەلسٸزدٸك جىلدارى ٸشٸندە اۋىل شارۋاشىلىعى سالاسى مەملەكەتتٸك قولداۋدىڭ ارقاسىندا جاڭا دەڭگەيگە كٶتەرٸلدٸ. بٷگٸندە وسى سالادا 400 مىڭعا جۋىق ادام ەڭبەك ەتٸپ, وبلىس دامۋىنا زور ٷلەس قوسىپ كەلەدٸ. بٸز جىل سوڭىن جاقسى نەتيجەلەرمەن اياقتاپ وتىرمىز. اۋىل شارۋاشىلىعىندا ٶندٸرٸس كٶلەمٸ بٸر تريلليونعا جەتتٸ. ٶڭٸردە بيىل 16 مىڭنان استام شارۋاشىلىق قۇرىلىمدارىنا بيۋدجەتتەن 50 ملرد. تەڭگەدەن استام قاراجات بەرٸلدٸ, ونىڭ 43 ملرد. تەڭگەسٸ – سۋبسيدييا. پرەزيدەنتٸمٸزدٸڭ اگروٶنەركەسٸپ كەشەنٸندەگٸ ەڭبەك ٶنٸمدٸلٸگٸن جəنە ٶنٸم ەكسپورتىن 2,5 ەسەگە ارتتىرۋ تۋرالى تاپسىرماسىن ورىنداۋ مەن جوسپارلانعان شارالاردى ٸسكە اسىرۋعا وبلىستا بارلىق مٷمكٸندٸك بار. نەتيجەلٸ كٶرسەتكٸشتەرگە ٶزدەرٸڭٸزبەن بٸرلەسٸپ قول جەتكٸزەتٸن بولامىز, – دەدٸ قانات بوزىمباەۆ.
شارا بۇدان ەرٸ ماراپاتتاۋ رەسٸمەن جالعاسىپ, جىل بويى اگرارلىق سالادا جەمٸستٸ ەڭبەك ەتكەن ۇجىمدارعا ناگرادالار جەنە سىي-سيياپاتتار بەرٸلدٸ. اتاپ ايتقاندا, «اۋىل شارۋاشىلىعى جەرمەڭكەسٸ» بايقاۋىندا اۋداندار اراسىندا ەڭبەكشٸقازاق اۋدانى, وكرۋگتەر اراسىندا پانفيلوۆ اۋدانى, ايدارلى اۋىلدىق وكرۋگٸ ٷزدٸك دەپ تانىلدى. وسى اتالىم بويىنشا بالقاش, تالعار, قاراساي, كەگەن, رايىمبەك, ەسكەلدٸ, كەربۇلاق اۋداندارىنىڭ دا ەڭبەگٸ ەلەندٸ. سول سيياقتى اۋىل شارۋاشىلىعى ٶنٸمدەرٸن قايتا ٶڭدەۋ سالاسىنىڭ جەڭٸمپازدارى رەتٸندە «ٷشتٶبە ايدىن» جشس, «ماكارييا» جشس جەنە «Almaty tannery» جشس-لارى تانىلدى. اتالعان جەڭٸمپازداردىڭ بارلىعىنا اقشالاي سىيلىقتار تابىس ەتٸلدٸ.
ال «ٷزدٸك اۋىل شارۋاشىلىعى تاۋار ٶندٸرۋشٸلەرٸ» نوميناتسيياسىندا ٸلە اۋدانىنداعى «دەۋلەت بەكەت» جسش مەن ەسكەلدٸ اۋدانىنداعى «نام» شارۋا قوجالىعى وق بويى وزىق شىعىپ, ولارعا «متز-82.1» تراكتورى بەرٸلدٸ. وسى قاتاردا الاكٶلدٸك «الاكٶل اگرو» سەرٸكتەستٸگٸ, كەگەن اۋدانىنان «رينات» شارۋا قوجالىعى, سارقان اۋدانىنان «سايرانبەكاگرو» جشس, كٶكسۋ اۋدانىنان «قايناركٶكسۋ» شق بيٸك مەجەدەن كٶرٸنٸپ, ەڭبەكتەرٸ ەلەندٸ.
سول سيياقتى بٸرقاتار ازاماتتارعا اۋىل شارۋاشىلىعى مينيسترلٸگٸنٸڭ «ەڭبەك ارداگەرٸ», «اۋىل شارۋاشىلىعى سالاسىنىڭ ٷزدٸگٸ» تٶسبەلگٸسٸ تابىستالدى.
ماراپات يەلەرٸ اتىنان سٶز العان «دەۋلەت بەكەت» جشس باسشىسى دەۋلەت سىدىقوۆ ەل تەۋەلسٸزدٸگٸنٸڭ ارقاسىندا جيىرما جىلدان بەرٸ تٷيە شارۋاشىلىعىمەن اينالىسىپ, كەسٸبٸن ٶركەندەتٸپ وتىرعانىن اتاپ ٶتتٸ.
– بٸر مالىم ەكەۋ بولسا اۋىلىمدى كٶركەيتەمٸن دەدٸم. سونداي نيەتپەن 100 ورىندىق بالاباقشا, 100 ورىندىق شيپاجاي سالدىم. جۋىردا تٷيەنٸڭ قۇرعاق سٷتٸن شىعاراتىن زاۋىت اشتىم. قازٸر 5 مىڭ باس تٷيەم بار. مۇنىمەن توقتاپ قالماي, ەلدٸڭ يگٸلٸگٸ ٷشٸن ەلٸ دە قىزمەت ەتە بەرەمٸن, – دەدٸ دەۋلەت سىدىقوۆ. سونىمەن بٸرگە قازاق ەگٸنشٸلٸك جەنە ٶسٸمدٸك شارۋاشىلىعى عىلىمي-زەرتتەۋ ينستيتۋتىنىڭ باسقارما تٶرايىمىنىڭ مٸندەتٸن اتقارۋشى شولپان باستاۋباەۆا دا مەرەكەگە وراي قۇتتىقتاۋ تٸلەگٸن بٸلدٸردٸ.
تالدىقورعانداعى ٸ.جانسٷگٸروۆ اتىنداعى مەدەنيەت سارايىندا ٶتكەن سالتاناتتى جيىندا فويەگە ٶڭٸردە ٶندٸرٸلەتٸن اۋىل شارۋاشىلىعى تاۋارلارىنان كٶرمە ۇيىمداستىرىلدى.
