تالدىقورعان قالاسىنداعى جەڭىس ساياباعىندا «تازا قازاقستان» رەسپۋبليكالىق ەكولوگيالىق باعدارلاماسى اياسىندا العاش رەت اشىق اسپان استىندا «Eco Hackathon: جاستار كوزقاراسىمەن» اتتى ەكولوگيالىق اكسيا ءوتتى، دەپ حابارلايدى Dalanews.kz

حاكاتوننىڭ باستى ماقساتى – جاستاردىڭ نازارىن وڭىردەگى ەكولوگيالىق ماسەلەلەرگە اۋدارۋ جانە ولاردى شەشۋگە جۇمىلدىرۋ. سونىمەن قاتار، 20 جاسقا ءوز يدەيالارىن ۇسىنۋعا جانە ناقتى ەكولوگيالىق جوبالار ازىرلەۋگە مۇمكىندىك بەرىلدى. اكسيا اياسىندا ەكولوگيا تاقىرىبىندا پانەلدىك پىكىرتالاس الاڭى ۇيىمداستىرىلىپ، قاتىسۋشىلار 4 توپقا ءبولىنىپ، ءوز جوبالارىن ۇسىندى.

قازاقستان ستۋدەنتتەرىنىڭ اليانسى جەتىسۋ وبلىستىق فيليالىنىڭ بەلسەندىسى كاريمانوۆا ۇلپان:

«بۇگىنگى «Eco Hackathon» شاراسى بارىسىندا قاتىسۋشىلار ەكولوگيانى قورعاۋ، تۇرمىستىق قالدىقتاردى قايتا وڭدەۋ، كوگالداندىرۋ جانە ەكوساۋلىقتى ساقتاۋ بويىنشا ءتۇرلى يدەيالار مەن شەشىمدەر ۇسىندى. ۇزدىك جوبالار الداعى ۋاقىتتا وڭىردە جۇزەگە اسىرۋ ءۇشىن قاراستىرىلاتىن بولادى. Eco Hackathon – بۇل جاي كەزدەسۋ عانا بولىپ قالماي، جاستاردىڭ تابيعاتقا دەگەن جاۋاپكەرشىلىگىن ارتتىراتىن، ەكولوگيالىق مادەنيەتتى قالىپتاستىراتىن جانە جەتىسۋدىڭ جاسىل بولاشاعىنا ۇلەس قوساتىن ماڭىزدى باستاما».

جەتىسۋ وبلىسىندا «تازا قازاقستان» باعدارلاماسى اياسىندا جىل باسىنان بەرى بارلىق جوسپارلانعان ءىس-شارالار بەلسەندى تۇردە وتكىزىلۋدە. سەنبىلىكتەر مەن ەكولوگيالىق اكسيالارعا جالپى سانى 17 مىڭنان استام ادام قاتىستى. 295 تەحنيكا بىرلىگى جۇمىلدىرىلىپ، 1 209 توننا قوقىس شىعارىلدى. 132 پارك پەن سكۆەر تازارتىلىپ، 17 مىڭنان استام قىلقان جاپىراقتى جانە جاپىراقتى اعاش كوشەتتەرى وتىرعىزىلدى.