Taldyqorǵan qalasyndaǵy Jeńis saiabaǵynda «Taza Qazaqstan» respýblikalyq ekologiialyq baǵdarlamasy aiasynda alǵash ret ashyq aspan astynda «Eco Hackathon: Jastar kózqarasymen» atty ekologiialyq aktsiia ótti, dep habarlaidy Dalanews.kz
Hakatonnyń basty maqsaty – jastardyń nazaryn óńirdegi ekologiialyq máselelerge aýdarý jáne olardy sheshýge jumyldyrý. Sonymen qatar, 20 jasqa óz ideialaryn usynýǵa jáne naqty ekologiialyq jobalar ázirleýge múmkindik berildi. Aktsiia aiasynda ekologiia taqyrybynda paneldik pikirtalas alańy uiymdastyrylyp, qatysýshylar 4 topqa bólinip, óz jobalaryn usyndy.
Qazaqstan stýdentteriniń Aliansy Jetisý oblystyq filialynyń belsendisi Karimanova Ulpan:
«Búgingi «Eco Hackathon» sharasy barysynda qatysýshylar ekologiiany qorǵaý, turmystyq qaldyqtardy qaita óńdeý, kógaldandyrý jáne ekosaýlyqty saqtaý boiynsha túrli ideialar men sheshimder usyndy. Úzdik jobalar aldaǵy ýaqytta óńirde júzege asyrý úshin qarastyrylatyn bolady. Eco Hackathon – bul jai kezdesý ǵana bolyp qalmai, jastardyń tabiǵatqa degen jaýapkershiligin arttyratyn, ekologiialyq mádenietti qalyptastyratyn jáne Jetisýdyń jasyl bolashaǵyna úles qosatyn mańyzdy bastama».
Jetisý oblysynda «Taza Qazaqstan» baǵdarlamasy aiasynda jyl basynan beri barlyq josparlanǵan is-sharalar belsendi túrde ótkizilýde. Senbilikter men ekologiialyq aktsiialarǵa jalpy sany 17 myńnan astam adam qatysty. 295 tehnika birligi jumyldyrylyp, 1 209 tonna qoqys shyǵaryldy. 132 park pen skver tazartylyp, 17 myńnan astam qylqan japyraqty jáne japyraqty aǵash kóshetteri otyrǵyzyldy.
