جەتىساي اۋدانىندا قۇرىلعان يندۋستريالدى ايماقتا اعىمداعى جىلى «Adal Agro Group» ءجشس-ى جالپى قۇنى 2،8 ملرد تەڭگەگە جىلىنا 9 مىڭ توننا ءونىم وندىرەتىن «سيىر ەتىن وڭدەۋ سەحىنىڭ» قۇرىلىسىن باستايدى. سونداي-اق، بيىل تاۋلىگىنە 30 توننا ەت وندىرەتىن اتالعان سەرىكتەستىكتىڭ «قۇس فابريكاسىنىڭ» قۇرىلىسى جۇرەدى. سونىمەن قاتار، سەرىكتەستىكتىڭ جالپى قۇنى 7،6 ملرد تەڭگەلىك «جۇگەرىدەن كراحمال-سىرنە ءونىمىن جانە ليمون قىشقىلىنىڭ ءوندىرىسى» جوباسىن ىسكە قوسۋ جۇمىستارى جۇرەدى. بۇل تۋرالى جەتىساي اۋدانىنىڭ اكىمى مۇرات قادىربەك مالىمدەدى، – دەپ حابارلايدى Dalanews.kz.

ونىڭ ايتۋىنشا، اۋدانداعى وڭىرلىك ءونىم كولەمى بيىل 4 ايدا 11 ملرد 421،5 ملن تەڭگەنى قۇراعان.

– جەتىساي اۋدانىنداعى ونەركاسىپ ءونىمىنىڭ كولەمى بيىل ءقاڭتار-ساۋىر ايلارى بويىنشا 1 ملرد 882،1 ملن تەڭگەگە جەتتى. اتالعان كەزەڭدە نەگىزگى كاپيتالعا تارتىلعان ينۆەستيسيا كولەمى 1 ملرد 177،2 ملن تەڭگەنى قۇرادى. ال شاعىن جانە ورتا كاسىپكەرلىك سۋبەكتىلەرىنىڭ ءونىم كولەمى 3،6 ملرد تەنگە. سونداي-اق، 2021 جىلدىڭ 4 ايىندا 5 ملرد 756،3 ملن تەڭگەنىڭ اۋىل شارۋاشىلىعى ءونىمى وندىرىلگەن، – دەدى مۇرات بولات ۇلى.

ينفراقۇرىلىممەن قامتۋ بويىنشا اۋدانداعى قالا، كەنت جانە اۋىلدىق وكرۋگتەرگە قاراستى 113 ەلدى مەكەنىڭ 103ء-ى ورتالىقتاندىرىلعىن اۋىز سۋمەن قامتىلعان. ال گازداندىرۋ سالاسىندا 113 ەلدى مەكەننىڭ 54ء-ى گازبەن قامتىلعان، بۇل اۋدانداعى ەلدى مەكەندەردىڭ جالپى سانىنىڭ - 47،7%. سونىمەن قاتار، اۋدانداعى ىشكى كوشەلەردىڭ جالپى ۇزىندىعى 899،1 شاقىرىم، ونىڭ ىشىندە 661،1 شاقىرىمى – اسفالت، 227 شاقىرىمى – شاعال تاس، 11 شاقىرىمى – توپىراق جول. 2021 جىلى سۋبۆەنسيا جانە جەرگىلىكتى بيۋدجەت ەسەبىنەن بولىنگەن 445 ملن تەڭگەگە جالپى ۇزىندىعى 25،7 شاقىرىمدى قۇرايتىن 32 كوشەگە ورتا جوندەۋ جۇمىستارى جۇرگىزىلۋدە.