بۇعان دەيٸن ٷش اۋىسىمدا بٸلٸم بەرٸپ كەلگەن ورتا مەكتەپ ۇجىمىن بٷگٸنگٸ قۋانىشىمەن قۇتتىقتاعان وبلىس ەكٸمٸ جاڭا, زاماناۋي تالاپقا جاۋاپ بەرەتٸن ەڭسەلٸ دە, كەرەمەت مەكتەپتٸڭ سىنىپتارىن ارالاپ كٶردٸ. ونداعى شەكٸرتتەرمەن تٸلدەسٸپ, ولاردىڭ ساباقتارىن ٷزدٸك وقىپ, ەلٸمٸزدٸڭ ٷلگٸلٸ ازاماتتارى بولۋعا شاقىردى.
بۇدان سوڭ, ەكٸم جەتٸساي قالاسىنداعى «AIIG Kazakhstan» جشس-نٸڭ ماقتا زاۋىتىندا بولدى. اتالعان زاۋىتتا 660 ادام جۇمىس ٸستەيدٸ. قۋاتتىلىعى جىلىنا 40 مىڭ توننا. 2013 جىلى قۇرىلعان زاۋىتتا ماقتا تالشىعى, تەحنيكالىق تۇقىم, لينت, ۋليۋك دايىندالادى. جالپى اۋماعى 5,6 گەكتاردى قۇرايدى. مۇندا ٶندٸرٸلگەن ٶنٸمدەر نەگٸزٸنەن ەلٸمٸزدٸڭ بارلىق ايماعىنا تاراتىلادى.
و
بلىس ەكٸمٸ زاۋىت جۇمىسشىلارىمەن كەزدەسٸپ, اۋدانداعى «وزات تەرٸمشٸ, «ەڭ ٷزدٸك كومباينشى», «ەڭ ٷزدٸك تەرٸمشٸ», «ەڭ ٷزدٸك ماقتا زاۋىتى» نوميناتسييالارىنىڭ يەگەرلەرٸن ماراپاتتاپ, سىي-سيياپات تابىستادى.
جالپى جەتٸساي اۋدانىندا ماقتا تەرۋ ناۋقانىنىڭ اياقتالۋىنا ساناۋلى كٷندەر قالدى. قازٸرگٸ تاڭدا اۋدان بويىنشا 48226,8 گەكتار ماقتا القابىنان 126 مىڭ 192 توننا شيتتٸ ماقتا جينالدى. اق التىننىڭ تٷسٸمدٸلٸگٸ ەر گەكتارىنان 26,2 تسەنتنەردٸ قۇرادى.
