Buǵan deıin úsh aýysymda bilim berip kelgen orta mektep ujymyn búgingi qýanyshymen quttyqtaǵan oblys ákimi jańa, zamanaýı talapqa jaýap beretin eńseli de, keremet mekteptiń synyptaryn aralap kórdi. Ondaǵy shákirttermen tildesip, olardyń sabaqtaryn úzdik oqyp, elimizdiń úlgili azamattary bolýǵa shaqyrdy.
Budan soń, ákim Jetisaı qalasyndaǵy «AIIG Kazakhstan» JSHS-niń maqta zaýytynda boldy. Atalǵan zaýytta 660 adam jumys isteıdi. Qýattylyǵy jylyna 40 myń tonna. 2013 jyly qurylǵan zaýytta maqta talshyǵy, tehnıkalyq tuqym, lınt, ýlúk daıyndalady. Jalpy aýmaǵy 5,6 gektardy quraıdy. Munda óndirilgen ónimder negizinen elimizdiń barlyq aımaǵyna taratylady.
O
blys ákimi zaýyt jumysshylarymen kezdesip, aýdandaǵy «Ozat terimshi, «Eń úzdik kombaınshy», «Eń úzdik terimshi», «Eń úzdik maqta zaýyty» nomınasıalarynyń ıegerlerin marapattap, syı-sıapat tabystady.
Jalpy Jetisaı aýdanynda maqta terý naýqanynyń aıaqtalýyna sanaýly kúnder qaldy. Qazirgi tańda aýdan boıynsha 48226,8 gektar maqta alqabynan 126 myń 192 tonna shıtti maqta jınaldy. Aq altynnyń túsimdiligi ár gektarynan 26,2 sentnerdi qurady.
