"قازاۆتوجول" ۇك" اق باسپا ءسوز قىزمەتىنىڭ حابارلاۋىنشا، رەسپۋبليكالىق ماڭىزى بار "رف شەكاراسى (سامارا) – شىمكەنت" تاس جولىنىڭ "قىزىلوردا-ارال" ۋچاسكەسىندە 6 باقىلاۋ اركا جانە كليەنتتەرمەن جۇمىس ىستەيتىن ورتالىق بار. اركالاردا ورناتىلعان كامەرالار اقىلى ۋچاسكەلەردە اۆتوموبيلدەردىڭ قوزعالىسىن، ولاردىڭ جىلدامدىعى مەن قارقىندىلىعىن، جولداعى جاعدايدى جانە ت. ب. تىركەيدى.
پايدالانۋشىلاردىڭ قولايلىعى ءۇشىن تولەم جاساۋدىڭ 10-عا جۋىق ءادىسى بار:
- ينتەرنەت-بانكينگتەر،
- تولەم تەرمينالدارى،
- ەلەكتروندىق ءامياندار،
- ۇيالى تەلەفون بالانسىنان،
- ە100 جانارماي كارتاسى،
- زاڭدى تۇلعالارمەن كەلىسىم شارت.
"الدىن-الا تولەم الدەقايدا ارزان بولعاندىقتان، تولەماقىنى ۋاقتىلى جاساۋعا كەڭەس بەرەمىز"، دەلىنگەن ۇلتتىق وپەراتور مالىمدەمەسىندە.
- 16 ورىنعا دەيىنگى اۆتوبۋستار جانە جۇك كوتەرگىشتىگى 2،5 ت. دەيىن جۇك اۆتوموبيلدەرى ءۇشىن الدىن-الا تولەم – 2840 تەڭگە، كەيىنگى تولەم – 3330 تەڭگە؛
- 32 ورىنعا دەيىنگى اۆتوبۋستار جانە جۇك كوتەرگىشتىگى 5،5 ت. دەيىن جۇك اۆتوموبيلدەرى ءۇشىن الدىن-الا تولەم – 5750 تەڭگە، كەيىنگى تولەم – 6740 تەڭگە؛
- 32 ورىننان اساتىن اۆتوبۋستار جانە جۇك كوتەرگىشتىگى 10 ت. دەيىن اۆتوپوەزدار ءۇشىن الدىن-الا تولەم – 8570 تەڭگە، كەيىنگى تولەم – 10 100 تەڭگە؛
- جۇك كوتەرگىشتىگى 10 ت. جوعارى جانە 15 ت. دەيىنگى جۇك اۆتوموبيلدەرى ءۇشىن الدىن-الا تولەم – 11 470 تەڭگە، كەيىنگى تولەم – 13 470 تەڭگە؛
- جۇك كوتەرگىشتىگى 15 ت. جوعارى جۇك اۆتوموبيلدەرى، ونىڭ ىشىندە تىركەلگىش جانە ەرشىكتى تارتقىشتار ءۇشىن الدىن-الا تولەم – 14 290 تەڭگە، كەيىنگى تولەم – 16 830 تەڭگە.
"جەڭىل كولىك يەلەرى قىزىلوردا-ارال جولىن تەگىن پايدالانادى. جەرگىلىكتى تۇرعىندار ءۇشىن ءبىر ايلىق جانە ءبىر جىلدىق ابونەمەنتتەر قاراستىرىلعان"،- دەلىنگەن اقپاراتتا.
جينالعان قاراجات جولدىڭ ءوزىن-وزى قارجىلاندىرۋىن قامتاماسىز ەتە وتىرىپ، مەملەكەتتىك بيۋدجەتكە تۇسەتىن جۇكتەمەنى ازايتۋعا سەپتىگىن تيگىزەدى. جول قىزمەتتەرى ۋچاسكەنى تاۋلىك بويى پاترۋلدەۋدى جۇزەگە اسىرادى جانە جول جابىنىنىڭ، جارىقتاندىرۋدىڭ، جول بەلگىلەرىنىڭ اقاۋلارىن جەدەل جوندەيتىن بولادى.
سونىمەن قاتار، جول مەن جول ينفراقۇرىلىمىن قوقىستان جانە قاردان تازارتادى، قوزعالىس قاۋىپسىزدىگىن قامتاماسىز ەتۋدىڭ جاڭا جۇيەلەرىن بەلسەندى تۇردە ەنگىزەدى.
