"QazAvtoJol" UK" AQ baspasóz qyzmetiniń habarlaýynsha, respýblikalyq mańyzy bar "RF shekarasy (Samara) – Shymkent" tas jolynyń "Qyzylorda-Aral" ýchaskesinde 6 baqylaý arka jáne klienttermen jumys isteitin ortalyq bar. Arkalarda ornatylǵan kameralar aqyly ýchaskelerde avtomobilderdiń qozǵalysyn, olardyń jyldamdyǵy men qarqyndylyǵyn, joldaǵy jaǵdaidy jáne t. b. tirkeidi.
Paidalanýshylardyń qolailyǵy úshin tólem jasaýdyń 10-ǵa jýyq ádisi bar:
- internet-bankingter,
- tólem terminaldary,
- elektrondyq ámiiandar,
- uialy telefon balansynan,
- E100 janarmai kartasy,
- zańdy tulǵalarmen kelisim shart.
"Aldyn-ala tólem áldeqaida arzan bolǵandyqtan, tólemaqyny ýaqtyly jasaýǵa keńes beremiz", delingen ulttyq operator málimdemesinde.
- 16 orynǵa deiingi avtobýstar jáne júk kótergishtigi 2,5 t. deiin júk avtomobilderi úshin aldyn-ala tólem – 2840 teńge, keiingi tólem – 3330 teńge;
- 32 orynǵa deiingi avtobýstar jáne júk kótergishtigi 5,5 t. deiin júk avtomobilderi úshin aldyn-ala tólem – 5750 teńge, keiingi tólem – 6740 teńge;
- 32 orynnan asatyn avtobýstar jáne júk kótergishtigi 10 t. deiin avtopoezdar úshin aldyn-ala tólem – 8570 teńge, keiingi tólem – 10 100 teńge;
- júk kótergishtigi 10 t. joǵary jáne 15 t. deiingi júk avtomobilderi úshin aldyn-ala tólem – 11 470 teńge, keiingi tólem – 13 470 teńge;
- júk kótergishtigi 15 t. joǵary júk avtomobilderi, onyń ishinde tirkelgish jáne ershikti tartqyshtar úshin aldyn-ala tólem – 14 290 teńge, keiingi tólem – 16 830 teńge.
"Jeńil kólik ieleri Qyzylorda-Aral jolyn tegin paidalanady. Jergilikti turǵyndar úshin bir ailyq jáne bir jyldyq abonementter qarastyrylǵan",- delingen aqparatta.
Jinalǵan qarajat joldyń ózin-ózi qarjylandyrýyn qamtamasyz ete otyryp, memlekettik biýdjetke túsetin júktemeni azaitýǵa septigin tigizedi. Jol qyzmetteri ýchaskeni táýlik boiy patrýldeýdi júzege asyrady jáne jol jabynynyń, jaryqtandyrýdyń, jol belgileriniń aqaýlaryn jedel jóndeitin bolady.
Sonymen qatar, jol men jol infraqurylymyn qoqystan jáne qardan tazartady, qozǵalys qaýipsizdigin qamtamasyz etýdiń jańa júielerin belsendi túrde engizedi.
