جۋىردا عانا ورىنباسارى قۋات اقشاباەۆ ۇقك تاراپىنان ۇستالىپ, تەرگەۋگە الىنعان ٸلە اۋدانىنىڭ ەكٸمٸ جاقسىمبەت قايىرجانوۆ جاڭا ورىنباسار تاعايىنداپ ٷلگەردٸ, دەپ حابارلايدى Dalanews.kz.
ەكٸمنٸڭ بۇرىنعى ورىنباسارىنىڭ قاماۋعا الىنعانى رەسمي تٷردە راستالعان. الماتى ٸرگەسٸندەگٸ ەڭ ٸرٸ ەرٸ قارجىسى مول اۋدانداردىڭ بٸرٸ سانالاتىن ٸلە اۋدانىنداعى بۇل وقيعا قوعام نازارىن بٸردەن ٶزٸنە اۋداردى. سوندىقتان مۇنداعى كەز كەلگەن كادرلىق ٶزگەرٸس پەن جەمقورلىق دەرەگٸ كەڭ رەزونانس تۋدىرىپ وتىر.
قۋات اقشاباەۆ ۇستالعاننان كەيٸن كٶپ ۇزاماي اۋدان ەكٸمٸ جاڭا ورىنباسارىن تانىستىردى. بۇل تۋرالى اۋداننىڭ رەسمي پاراقشاسىندا حابارلانعان. جاڭا لاۋازىمعا بۇعان دەيٸن ٸلە اۋدانى ەكٸمدٸگٸنٸڭ اپپارات باسشىسى بولعان اسقار سادىقوۆ تاعايىندالدى.
40 جاستاعى اسقار جۇماحانۇلى — ٸلە اۋدانىنىڭ تۋماسى. ول 2008 جىلدان بەرٸ اۋدان ەكٸمدٸگٸ جٷيەسٸندە تٷرلٸ قىزمەت اتقارىپ كەلگەن.
ال قوعامدا ەكٸمنٸڭ بۇرىنعى ورىنباسارى قۋات اقشاباەۆتىڭ ٸسٸ سوتتا دەلەلدەنسە, اۋدان ەكٸمٸ جاقسىمبەت قايىرجانوۆتىڭ ٶزٸ دە جاۋاپكەرشٸلٸككە تارتىلا ما دەگەن ساۋال جيٸ ايتىلا باستادى.
