Jýyrda ǵana orynbasary Qýat Aqshabaev UQK tarapynan ustalyp, tergeýge alynǵan Ile aýdanynyń ákimi Jaqsymbet Qaiyrjanov jańa orynbasar taǵaiyndap úlgerdi, dep habarlaidy Dalanews.kz.
Ákimniń burynǵy orynbasarynyń qamaýǵa alynǵany resmi túrde rastalǵan. Almaty irgesindegi eń iri ári qarjysy mol aýdandardyń biri sanalatyn Ile aýdanyndaǵy bul oqiǵa qoǵam nazaryn birden ózine aýdardy. Sondyqtan mundaǵy kez kelgen kadrlyq ózgeris pen jemqorlyq deregi keń rezonans týdyryp otyr.
Qýat Aqshabaev ustalǵannan keiin kóp uzamai aýdan ákimi jańa orynbasaryn tanystyrdy. Bul týraly aýdannyń resmi paraqshasynda habarlanǵan. Jańa laýazymǵa buǵan deiin Ile aýdany ákimdiginiń apparat basshysy bolǵan Asqar Sadyqov taǵaiyndaldy.
40 jastaǵy Asqar Jumahanuly — Ile aýdanynyń týmasy. Ol 2008 jyldan beri aýdan ákimdigi júiesinde túrli qyzmet atqaryp kelgen.
Al qoǵamda ákimniń burynǵy orynbasary Qýat Aqshabaevtyń isi sotta dáleldense, aýdan ákimi Jaqsymbet Qaiyrjanovtyń ózi de jaýapkershilikke tartyla ma degen saýal jii aityla bastady.
