«جاڭا قازاقستان» قۇرۋدا مەملەكەت باسشىسى ٸلكٸمٸدٸ ٸستەرگە قادام باستى. ەندٸگٸ جەردە «جەمقورلاردىڭ زاڭسىز تاپقان قارجىسى ولار سوتتالعان سوڭ مەملەكەتكە ٶتٸپ, تٷگەلدەي مەكتەپ قۇرىلىسىنا جۇمسالۋعا تيٸس. ٷكٸمەت وسى باستامانى زاڭ تۇرعىسىنان رەسٸمدەۋ تۋرالى شەشٸم قابىلداۋى كەرەك» دەپ اتاپ ٶتتٸ پرەزيدەنت ٶز جولداۋىندا.
وسى رەتتە ەلٸمٸزدە اپاتتى جاعدايداعى ەرٸ ٷش اۋىسىمدى مەكتەپتەردٸڭ بارلىعى بەلگٸلٸ.
ال پرەزيدەنت: «ورتا بٸلٸمنٸڭ ساپاسى – تابىستى ۇلت بولۋدىڭ تاعى بٸر ماڭىزدى شارتى. ەربٸر وقۋشىنىڭ بٸلٸم الىپ, جان-جاقتى دامۋى ٷشٸن قولايلى جاعداي جاسالۋعا تيٸس. سول ٷشٸن «جايلى مەكتەپ» ۇلتتىق جوباسى قولعا الىندى. بٸز 2025 جىلعا دەيٸن 800 مىڭ بالانىڭ زاماناۋي مەكتەپتە وقۋىنا جاعداي جاسايمىز.
وسىلايشا, اپاتتى جاعدايداعى جەنە ٷش اۋىسىممەن وقيتىن مەكتەپ مەسەلەسٸن تولىق شەشەمٸز. بۇل اۋىل جەنە قالا مەكتەپتەرٸنٸڭ ايىرماشىلىعىن ەدەۋٸر ازايتادى. جالپى, مەكتەپ سالۋ ٷكٸمەت جەنە ەكٸمدٸكتەر ٷشٸن باستى مٸندەتتٸڭ بٸرٸ بولۋى كەرەك», – دەگەندٸ باسا ايتتى.
Dalanews.kz وسى ورايدا بەلگٸلٸ ساياساتتانۋشى ەرلان اقىلجانۇلىنىڭ پٸكٸرٸن بٸلگەن ەدٸ.
«وسى كٷنگە دەيٸن جەمقورلىق فاكتٸسٸ بويىنشا ٸستٸ بولعانداردىڭ قارجىسى قايدا كەتٸپ جاتقانىن بٸلمەدٸك. ەندٸ پرەزيدەنت جولداۋدا ايتقان دٷنيەلەر ٸسكە اسا باستاسا, كٶزگە كٶرٸنٸپ, كٶپشٸلٸكتٸڭ كٶكەيٸندە جٷرگەن كٷدٸك سەيٸلەر ەدٸ.
سوڭعى جىلدارى ەسٸرەسە توقاەۆ پرەزيدەنتتٸككە كەلگەلٸ بەرٸ, سىبايلاس جەمقورلىقپەن ۇستالعاندار كٶبەيدٸ.
ەسٸرەسە قاڭتاردان كەيٸن ٸرٸ-ٸرٸ شورتانداردىڭ اۋعا تٷسٸپ, ولاردىڭ ٸرٸ كٶلەمٸندە قارجى جىمقىرعانى بەلگٸلٸ بولىپ, ەشكەرەلەندٸ. ەندٸ سول مول قارجىنىڭ ناقتى جۇمسالاتىن كٶزٸ بەلگٸلٸ بولدى. بٸراق بۇل بٸردەن مەكتەپ جەتٸسپەۋشٸلٸكتٸ ازايتادى دەگەن سٶز ەمەس. مۇنى بٸلٸم وردالارىنىڭ سانىن كٶبەيتۋدٸڭ بٸر ينسترۋمەنتٸ رەتٸندە قاراستىرعان جٶن», – دەيدٸ ەرلان مىرزا.
جولداۋدا 2025 جىلعا دەيٸن ەلٸمٸزدەگٸ 800 مىڭ بالانىڭ زاماناۋي مەكتەپتە وقۋىنا جاعداي جاسالۋ كەرەكتٸگٸ ايتىلدى. بۇل دا قازٸرگٸ تاڭداعى ەسٸرەسە شالعايداعى بوياۋى سٸڭٸپ, قابىرعاسى توزعان بٸلٸم وردالارىنىڭ ورنىنا, وقۋشىلار سوڭعى ٷلگٸدەگٸ مەكتەپتەردە بٸلٸم الادى دەگەن سٶز.
پارلامەنت مەجٸلٸسٸنٸڭ دەپۋتاتى ماقپال مىسا حانىم بٸلٸم بەرۋگە قاتىستى تىڭ ەرٸ سەرپٸندٸ ۇسىنىستاردى جازا كەلە, 800 مىڭ بالانى جاڭا مەكتەپكە ورانالاستىرۋ ٷلكەن ەلەۋمەتتٸك مەسەلەنٸ شەشكەلٸ وتىر دەگەن وي ايتتى.
«مەملەكەتتٸڭ كٷشٸ - ساپالى, ساۋاتتى ازاماتتىق قوعامنىڭ قالىپتاسۋىنا تٸكەلەي بايلانىستى ەكەنٸن ەسكەرسەك, پرەزيدەنت ۇسىنعان كونتسەپتسييانى جان-جاقتى تالقىلاپ, جونىپ, ەڭ تيٸمدٸ تٷردە جٷزەگە اسىرۋ اسا قاجەت. بۇل تۇرعىدا, جولداۋدا ايتىلعان باستى مەسسەدجتٸڭ بٸرٸ - مەملەكەت مٷددەسٸن جەكە مٷددەسٸنەن جوعارى قويا بٸلۋ ۇستانىمىن پرەزيدەنتتٸڭ ٶز باسىنان باستاپ, استىن سىزا كٶرسەتۋٸ ماڭىزدى ٷندەۋ», – دەپ اتاپ ٶتتٸ ول.
«دەمەك, جولداۋدىڭ قولداۋىن ەمەس, ساپالى ەرٸ ساۋاتتى ٸسكە اسىرۋ ماڭىزدى بولماق. وليگارحتار, زاڭسىز ەرٸ تٷرلٸ جولدارمەن بايىعاندار, بيۋدجەتكە قول سالعاندار جاۋاپقا تارتىلاتىن كەز كەلدٸ», – دەيدٸ زاڭگەر بولات سىزدىق. «قازاقستاننىڭ بايلىعى قايدا كەتپەدٸ. شەتكە كەتتٸ. ەندٸ سول قارجىلاردىڭ ەدەۋٸر بٶلٸگٸ ەلگە قايتارىلاتىن بولسا, جاڭا مەكتەپتەردٸڭ بوي كٶتەرۋٸنە عانا ەمەس, باسقا دا ەلەۋمەتتٸك, ەكونوميكالىق مەسەلەلەردٸ شەشۋگە قول جەتكٸزەر ەدٸك. ەرينە, بۇل جەردە ايتۋ بٸر باسقا, ەندٸ ونى ٸسكە اسىرۋ, قۇقىق قورعاۋ ورگاندارىنىڭ قىزمەتٸنە بايلانىستى. الايدا دەل سول قارجىعا مەكتەپ سالۋ مەسەلەسٸ قاراپ قالعان جوق. دەگەنمەن تەركٸلەنگەن مٷلٸكتٸڭ وسى باعىتتا جۇمسالۋى قۇپتارلىق جايت», – دەيدٸ بولات كەنەلۇلى.
ەل دامۋىنىڭ ەڭ باستى جاۋى - پاراقورلىقپەن كٷرەستٸ كٷشەيتۋ قاجەت. بۇل تۇرعىدا ەلٸ دە كٶپ ٶزگەرٸستەر مەن رەفورمالار سۇرانىپ تۇرعانى انىق.
