ماجىلىستە تالقىلانعان جاڭا زاڭ جوباسى اياسىندا جەكە اكادەميالارعا اتاۋلارىندا “ۇلتتىق” ءسوزىن قولدانۋعا تىيىم سالىنباق، دەپ حابارلايدى Dalanews.kz.
زاڭعا ىلەسپە تۇزەتۋلەر ارقىلى “ءبىلىم تۋرالى”، “عىلىم جانە تەحنولوگيالىق ساياسات تۋرالى”، سونداي-اق “قايىرىمدىلىق تۋرالى” زاڭدارعا ءبىرقاتار وزگەرىس ەنگىزىلەدى.
تۇزەتۋلەردىڭ ءبىرى — مەملەكەتتىك قاتىسۋى جوق زاڭدى تۇلعالار، ياعني جەكە مەنشىك اكادەميالار ءوز اتاۋلارىندا “ۇلتتىق” ءسوزىن ەشبىر تىلدە، تولىق نەمەسە قىسقارتىلعان تۇردە قولدانا المايدى. بۇل وزگەرىس اتاۋداعى ستاتۋستىق رەڭككە بايلانىستى قابىلدانعان.
