«قازىرگى ۋاقىتتا وبلىس ورتالىعىندا بوي كوتەرەتىن جاڭا الەۋمەتتىك جانە مادەني نىساندارىنىڭ كونسەپت-ەسكيزدەرىن دايىنداۋعا باعىتتالعان «TURKISTAN ARCHITECT AWARDS» حالىقارالىق ساۋلەت كونكۋرسىنا ۇسىنىلعان جۇمىستار ىرىكتەلۋدە. ەلباسى تاپسىرماسى بويىنشا سالىناتىن نىساندارعا جاۋاپتى ءار وبلىس اكىمدىكتەرى مەن ءىرى كومپانيالاردىڭ وكىلدەرىمەن بىرلەسە وتىرىپ جول كارتاسى ازىرلەندى. نىساندار ورنالاساتىن اۋماقتاردا جەر ءبولۋ جۇمىستارى جۇرگىزىلۋدە»، – دەدى قايرات تەمىرشوت ۇلى.
ءوز كەزەگىندە وبلىس اكىمى جۇمىستاردىڭ ساپالى ءارى ۋاقىتىلى ورىندالۋ كەرەكتىگىن اتاپ ءوتتى.
«ءار جوبانىڭ ورىندالۋ بارىسى تۇراقتى تۇردە باياندالىپ تۇرسىن. ءوز تاراپىمىزدان اتقارىلاتىن جۇمىستار تولىعىمەن ورىندالسىن. قۇرىلىستىڭ ساپاسىنا جانە مەرزىمىنە اسا ءمان بەرىلۋ كەرەك. ەلباسىنىڭ تۇركىستاندى دامىتۋ بويىنشا بەرىلگەن تاپسىرماسىن تياناقتى ورىنداۋ ءتيىسپىز»، – دەدى جانسەيىت قانسەيىت ۇلى.
كەزدەسۋ سوڭىندا قالا اكىمىنە، وبلىستىق قۇرىلىس باسقارماسى مەن ساۋلەت جانە قالا قۇرىلىسى باسقارماسىنىڭ باسشىلارىنا، جاۋاپتى تۇلعالارعا ءبىرقاتار تاپسىرمالار بەرىلدى.
