«Qazirgi ýaqytta oblys ortalyǵynda boı kóteretin jańa áleýmettik jáne mádenı nysandarynyń konsept-eskızderin daıyndaýǵa baǵyttalǵan «TURKISTAN ARCHITECT AWARDS» halyqaralyq sáýlet konkýrsyna usynylǵan jumystar iriktelýde. Elbasy tapsyrmasy boıynsha salynatyn nysandarǵa jaýapty ár oblys ákimdikteri men iri kompanıalardyń ókilderimen birlese otyryp jol kartasy ázirlendi. Nysandar ornalasatyn aýmaqtarda jer bólý jumystary júrgizilýde», – dedi Qaırat Temirshotuly.
Óz kezeginde oblys ákimi jumystardyń sapaly ári ýaqytyly oryndalý kerektigin atap ótti.
«Ár jobanyń oryndalý barysy turaqty túrde baıandalyp tursyn. Óz tarapymyzdan atqarylatyn jumystar tolyǵymen oryndalsyn. Qurylystyń sapasyna jáne merzimine asa mán berilý kerek. Elbasynyń Túrkistandy damytý boıynsha berilgen tapsyrmasyn tıanaqty oryndaý tıispiz», – dedi Janseıit Qanseıituly.
Kezdesý sońynda qala ákimine, oblystyq qurylys basqarmasy men sáýlet jáne qala qurylysy basqarmasynyń basshylaryna, jaýapty tulǵalarǵa birqatar tapsyrmalar berildi.
