Mańǵystaý oblysynda qaza tapqan 14 áskeri qyzmetshiniń otbasylary men aman qalǵan úsh sarbazǵa jinalǵan kómek qarajaty tolyq bólinip berildi. Bul týraly Qazaqstan Halyq Keńesiniń múshesi, Mańǵystaý oblystyq qoǵamdyq keńesiniń tóraǵasy Bekmurat Júsipov málimdedi, dep habarlaidy dalanews.kz.
Onyń aitýynsha, arnaiy qurylǵan komissiia qorǵa túsken qarajattyń bólinýin baqylap, aqshany belgilengen tártippen úlestirý týraly sheshim qabyldaǵan. Qaza tapqan sarbazdardyń otbasylaryna kómek teńdei bólinse, aman qalǵan úsh áskeri qyzmetshige jeke tólemder qarastyrylǵan.
Qarajat alýshylardyń naqty qansha aqsha alǵany jáne olardyń jeke derekteri qaýipsizdik pen qupiialylyqty saqtaý maqsatynda jariialanbaǵan.
Komissiia óz jumysyn aiaqtap, qarajatty bólýge qatysty sheshimder tiisti qujattarmen rásimdelgen.
