Qazaqstandyqtar jalaqysynyń bir bóligin resmi túrde almaityn bolsa, bolashaqta zeinetaqysy men áleýmettik tólemderi azaiýy múmkin. Eńbek jáne halyqty áleýmettik qorǵaý ministrligi jumys berýshiniń tabystyń bir bóligin jasyrýy qandai saldarǵa ákeletinin túsindirdi, dep habarlaidy dalanews.kz.
Vedomstvonyń málimetinshe, jumys berýshi qyzmetkerdiń jalaqysyn tolyq kórsetpese, bul onyń zeinetke shyqqanda, jumysynan aiyrylǵanda nemese áleýmettik tólemder rásimdegende alatyn aqshasyna áser etedi.
Ministrlik muny mysal arqyly túsindirdi. Eger qyzmetkerdiń resmi jalaqysy 300 myń teńge bolsa, bala kútimine bailanysty ai saiynǵy tólem shamamen 120 myń teńgeni quraidy. Al jumys berýshi tabysty 150 myń teńge dep kórsetse, tólem mólsheri 60 myń teńgege deiin azaiady.
Bul – shamamen alynǵan esep. Naqty tólem mólsheri ár adamnyń jeke derekterine bailanysty bolady.
Budan bólek, jalaqynyń bir bóligin konvertpen alý zeinetaqy jinaqtarynyń azaiýyna ákeledi. Sondai-aq mundai jaǵdaida qyzmetkerdiń eńbek quqyqtaryn qorǵaýy qiyndai túsýi múmkin.
Ministrlik azamattarǵa áleýmettik aýdarymdarynyń jai-kúiin tekserýge keńes beredi. Muny eGov.kz portaly, bank qosymshalary nemese halyqqa qyzmet kórsetý ortalyqtary (HQKO) arqyly jasaýǵa bolady.
