كەزدەسۋ بارىسىندا ٶڭٸر باسشىسى ەلباسىنىڭ «قازاقستاندىقتاردىڭ ەل-اۋقاتىنىڭ ٶسۋٸ: تابىس پەن تۇرمىس ساپاسىن ارتتىرۋ» اتتى حالىققا ارناعان جولداۋىندا اتاپ كٶرسەتٸلگەن مٸندەتتەردٸ نەگٸزگە الا وتىرىپ, وبلىستاعى بٸلٸم ساپاسىن ارتتىرۋ باعىتىندا اتقارىلىپ جاتقان جٷيەلٸ جۇمىستارعا توقتالدى.
«ەلباسى كەزەكتٸ جولداۋىندا ٷكٸمەتتٸڭ الداعى ۋاقىتتا اتقاراتىن جۇمىستارىن ناقتىلاپ بەردٸ. سونىڭ بٸرٸ – بٸلٸم بەرۋ جٷيەسٸنٸڭ ساپاسىن ارتتىرۋ. قازٸرگٸ تاڭدا ٶڭٸرٸمٸزدە وسى باعىتتا بٸرقاتار جوبالار جٷزەگە اسىرىلۋدا.
اتاپ ايتساق, بٸلٸم ساپاسىن جاقسارتۋدى, ودان بٶلەك, اتالعان سالادا كەزدەسەتٸن كەيبٸر كەمشٸلٸكتەرمەن كٷرەسۋدٸ زاماناۋي تەحنولوگييالاردىڭ كٶمەگٸمەن ٸسكە اسىرۋدى قولعا الدىق.
بٷگٸندە مەكتەپتەرگە ەلەكتروندى كٷندەلٸك جٷيەسٸن ەنگٸزٸپ جاتىرمىز. مۇنىڭ ارتىقشىلىعى سوندا, ەربٸر اتا-انا ٶز بالاسىن ٷنەمٸ باقىلاۋدا ۇستايتىن بولادى.
قانداي باعا العانىن, ساباققا قانشالىقتى قاتىسىپ جٷرگەنٸ تۋرالى عالامتور ارقىلى بٸلٸپ وتىراتىن بولادى. سونداي-اق, مەكتەپتەرگە ۇستازداردى جۇمىسقا قابىلداۋ شارالارى دا ەلەكتروندى جٷيەنٸڭ كٶمەگٸمەن اتقارىلۋدا. بۇل قۇجات رەسٸمدەۋ كەزٸندەگٸ ادامي فاكتوردى ازايتىپ, نەتيجەسٸندە جەمقورلىقتىڭ الدىن الۋعا سەپ بولادى» دەدٸ جانسەيٸت قانسەيٸتۇلى.
ەلباسىنىڭ باستاماسىمەن جٷزەگە اسىپ وتىرعان باعدارلامالاردىڭ ورىندالۋىنا قانىققان حالىق قالاۋلىسى الداعى ۋاقىتتا تٷركٸستان ٶڭٸرٸنٸڭ ٶسٸپ-ٶركەندەۋٸ جولىنداعى جوبالارعا بارىنشا ٶز ٷلەسٸن قوسىپ, قولداۋ بٸلدٸرەتٸنٸن جەتكٸزدٸ.
سونداي-اق, ول بٸرقاتار اۋدان, قالالارداعى سايلاۋشىلارىمەن كەزدەسٸپ, جەرگٸلٸكتٸ جەردەگٸ اتقارىلىپ جاتقان وڭدى ٸستەرمەن كەڭٸنەن تانىستى.
