Kezdesý barysynda óńir basshysy Elbasynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty halyqqa arnaǵan Joldaýynda atap kórsetilgen mindetterdi negizge ala otyryp, oblystaǵy bilim sapasyn arttyrý baǵytynda atqarylyp jatqan júieli jumystarǵa toqtaldy.
«Elbasy kezekti Joldaýynda Úkimettiń aldaǵy ýaqytta atqaratyn jumystaryn naqtylap berdi. Sonyń biri – bilim berý júiesiniń sapasyn arttyrý. Qazirgi tańda óńirimizde osy baǵytta birqatar jobalar júzege asyrylýda.
Atap aitsaq, bilim sapasyn jaqsartýdy, odan bólek, atalǵan salada kezdesetin keibir kemshiliktermen kúresýdi zamanaýi tehnologiialardyń kómegimen iske asyrýdy qolǵa aldyq.
Búginde mektepterge elektrondy kúndelik júiesin engizip jatyrmyz. Munyń artyqshylyǵy sonda, árbir ata-ana óz balasyn únemi baqylaýda ustaityn bolady.
Qandai baǵa alǵanyn, sabaqqa qanshalyqty qatysyp júrgeni týraly ǵalamtor arqyly bilip otyratyn bolady. Sondai-aq, mektepterge ustazdardy jumysqa qabyldaý sharalary da elektrondy júieniń kómegimen atqarylýda. Bul qujat resimdeý kezindegi adami faktordy azaityp, nátijesinde jemqorlyqtyń aldyn alýǵa sep bolady» dedi Janseiit Qanseiituly.
Elbasynyń bastamasymen júzege asyp otyrǵan baǵdarlamalardyń oryndalýyna qanyqqan halyq qalaýlysy aldaǵy ýaqytta Túrkistan óńiriniń ósip-órkendeýi jolyndaǵy jobalarǵa barynsha óz úlesin qosyp, qoldaý bildiretinin jetkizdi.
Sondai-aq, ol birqatar aýdan, qalalardaǵy sailaýshylarymen kezdesip, jergilikti jerdegi atqarylyp jatqan ońdy istermen keńinen tanysty.
