3 اقپاندا جەلىدە رۋسلان جانپەيىسوۆتىڭ اناسىنىڭ قاسىم-جومارت توقايەۆقا جولداعان ۆيدەو ۇندەۋى پايدا بولدى. تۇرسىنكۇل جانپەيىسوۆا ۇلىنىڭ قىزىلوردادا جازاسىن وتەپ جاتقانىن ايتادى.
"قازىرگى ۋاقىتتا قىزىلوردا وبلىسىنىڭ پروكۋراتۋراسى جازانى اۋىستىرۋى ءۇشىن ونىڭ بوستاندىققا شىعۋىنا كەدەرگىلەر كەلتىرىپ جاتىر. ءبىر ايدان استام ۋاقىت بۇرىن سوت شەشىمىمەن بەيبارىس رايىمبەكوۆ بوساتىلىپ، وتباسىنا ورالۋى كەرەك ەدى. ءبىراق پروكۋراتۋرا ونى كولونيادا زاڭسىز ۇستاپ وتىر. ول باس پروكۋرورعا شاعىم جازدى، ءبىراق حاتتىڭ ۋاقىتىندا باس پروكۋرورعا جەتپەۋى ءۇشىن وبلىستىق پروكۋراتۋرا ونى ورتا جولدان ۇستاپ، ءتۇپنۇسقانى الىپ قويعان"، - دەدى نازالى انا.
باس پروكۋراتۋرا قىزىلوردا سوتىنىڭ بلوگەر جازاسىن 7 اي 21 كۇن مەرزىمگە باس بوستاندىعىن شەكتەۋ ۇكىمىمەن الماستىرعانىن راستادى. بۇل 2020 جىلدىڭ 7 جەلتوقسانىندا بولعان.
سوت مۇنداي شەشىمدى قابىلداۋ ءۇشىن جانپەيىسوۆتى سيپاتتايتىن مالىمەتتەر (ەڭبەككە قاتىناسى، جازانى وتەۋدىڭ بەلگىلەنگەن ءتارتىبى، تاربيەلىك شارالار جانە ت.ب.) جەتكىلىكتى دەپ سانادى.
ءبىراق بيىلعى جىلدىڭ 28 قاڭتارىندا قىزىلوردا وبلىستىق سوتىنىڭ قىلمىستىق ىستەر جونىندەگى القاسى پروكۋروردىڭ جەكە ءوتىنىشىن قاراپ، بۇل شەشىمنىڭ كۇشىن جويدى.
سوت سوتتالعان ادامنىڭ مىنەز-قۇلقىن باعالاۋ كەزىندە ونىڭ تۇزەلگەنىن كورسەتەتىن بارلىق جاعدايلاردى ەسكەرۋى كەرەك ەكەندىگى اتاپ وتىلەدى (تاربيەلىك شارالارعا قاتىسۋى، مەكەمەنىڭ قوعامدىق ءومىرى، كوتەرمەلەۋ جانە ت.ب.). ءبىراق سوتتا جانپەيىسوۆتى تۇزەلدى دەپ ايتۋعا نەگىز بولعان جوق.
زك-169/4 مەكەمەسىنە رايىمبەكوۆ ب.ك. 2020 جىلدىڭ 6 قازانىندا كەلىپ ءتۇستى جانە ماتەريالدى قاراۋ كەزىندە ەشقانداي ىنتالاندىرۋ بولماعانى، ونىڭ مىنەز-قۇلقىنىڭ دەڭگەيى انىقتالماعان. وسىعان بايلانىستى سوت، سوتتالعان ادامدى ءتۇزۋ جولعا ءتۇستى دەپ ساناۋعا جەتكىلىكتى نەگىزدەر جوق دەگەن قورىتىندىعا كەلدى، - دەيدى باس پروكۋراتۋرا
رۋسلان جانپەيىسوۆتىڭ تۇرمەدەگى مەرزىمى 2021 جىلدىڭ 29 شىلدەسىندە اياقتالادى.
ايتا كەتسەك، بۇعان دەيىن "ساۋاتسىز پوليسيالاردى اۋلاۋشى" دەگەن لاقاپ اتقا يە بولعان جانپەيىسوۆ زاڭ بۇزۋشىلىق ءۇشىن ءبىر ايدان استام ۋاقىت اكىمشىلىك قاماۋعا الىنعان بولاتىن. جالعان قۇجاتتار جاساعانى ءۇشىن ونىڭ ۇستىنەن قىلمىستىق ءىس قوزعالعانى ايتىلدى. قاماۋعا الىنعاننان كەيىن بوساتىلعان كەزدە قوعام بەلسەندىسى بۇدان بىلاي قازاقستانداعى پوليسيا قىزمەتكەرلەرىن تۇسىرمەيتىنىن ايتىپ، ىشكى ىستەر مينيسترلىگىن سىناعانى جانە باسقا دا تۇسىرگەن ۆيدەولارى ءۇشىن كەشىرىم سۇراعان.
جەلىدە بلوگەردىڭ سوتتالۋىنا سەبەپ دەگەن وقيعانىڭ ۆيدەوسى دا بار.
https://youtu.be/G8heFaFz6-A
