3 aqpanda jelide Rýslan Janpeiisovtiń anasynyń Qasym-Jomart Toqaevqa joldaǵan video úndeýi paida boldy. Tursynkúl Janpeiisova ulynyń Qyzylordada jazasyn ótep jatqanyn aitady.
"Qazirgi ýaqytta Qyzylorda oblysynyń prokýratýrasy jazany aýystyrýy úshin onyń bostandyqqa shyǵýyna kedergiler keltirip jatyr. Bir aidan astam ýaqyt buryn sot sheshimimen Beibarys Raiymbekov bosatylyp, otbasyna oralýy kerek edi. Biraq prokýratýra ony koloniiada zańsyz ustap otyr. Ol Bas Prokýrorǵa shaǵym jazdy, biraq hattyń ýaqytynda Bas prokýrorǵa jetpeýi úshin oblystyq prokýratýra ony orta joldan ustap, túpnusqany alyp qoiǵan", - dedi nazaly ana.
Bas prokýratýra Qyzylorda sotynyń bloger jazasyn 7 ai 21 kún merzimge bas bostandyǵyn shekteý úkimimen almastyrǵanyn rastady. Bul 2020 jyldyń 7 jeltoqsanynda bolǵan.
Sot mundai sheshimdi qabyldaý úshin Janpeiisovti sipattaityn málimetter (eńbekke qatynasy, jazany óteýdiń belgilengen tártibi, tárbielik sharalar jáne t.b.) jetkilikti dep sanady.
Biraq biylǵy jyldyń 28 qańtarynda Qyzylorda oblystyq sotynyń qylmystyq ister jónindegi alqasy prokýrordyń jeke ótinishin qarap, bul sheshimniń kúshin joidy.
Sot sottalǵan adamnyń minez-qulqyn baǵalaý kezinde onyń túzelgenin kórsetetin barlyq jaǵdailardy eskerýi kerek ekendigi atap ótiledi (tárbielik sharalarǵa qatysýy, mekemeniń qoǵamdyq ómiri, kótermeleý jáne t.b.). Biraq sotta Janpeiisovti túzeldi dep aitýǵa negiz bolǵan joq.
ZK-169/4 mekemesine Raiymbekov B.K. 2020 jyldyń 6 qazanynda kelip tústi jáne materialdy qaraý kezinde eshqandai yntalandyrý bolmaǵany, onyń minez-qulqynyń deńgeii anyqtalmaǵan. Osyǵan bailanysty sot, sottalǵan adamdy túzý jolǵa tústi dep sanaýǵa jetkilikti negizder joq degen qorytyndyǵa keldi, - deidi Bas prokýratýra
Rýslan Janpeiisovtiń túrmedegi merzimi 2021 jyldyń 29 shildesinde aiaqtalady.
Aita ketsek, buǵan deiin "saýatsyz politsiialardy aýlaýshy" degen laqap atqa ie bolǵan Janpeiisov zań buzýshylyq úshin bir aidan astam ýaqyt ákimshilik qamaýǵa alynǵan bolatyn. Jalǵan qujattar jasaǵany úshin onyń ústinen qylmystyq is qozǵalǵany aityldy. Qamaýǵa alynǵannan keiin bosatylǵan kezde qoǵam belsendisi budan bylai Qazaqstandaǵy politsiia qyzmetkerlerin túsirmeitinin aityp, Ishki ister ministrligin synaǵany jáne basqa da túsirgen videolary úshin keshirim suraǵan.
Jelide blogerdiń sottalýyna sebep degen oqiǵanyń videosy da bar.
https://youtu.be/G8heFaFz6-A
