قازاقستاندا مەديا سالاسى ٷلكەن ترانسفورماتسييا كەزەڭٸن باستان ٶتكەرٸپ جاتىر: باسپا باسىلىمدار سانى ازايىپ, قوعامدىق اقپاراتتىڭ نەگٸزگٸ بٶلٸگٸ ەلەكتروندى پورتالدارعا كٶشتٸ. بۇل – زاماناۋي ٷردٸس, ەلەمدٸك تەندەنتسييا. الايدا وسى ٶزگەرٸستەرمەن بٸرگە جاڭا پروبلەما پايدا بولۋدا. بۇل تۋرالى دەپۋتات اسحات ايماحامبەتوۆ جازدى, دەپ حابارلايدى Dalanews.kz.
دەپۋتاتتىڭ ايتۋىنشا, بەلگٸلٸ بٸر جاڭالىق پورتالى جۇمىسىن توقتاتقاندا, ونىڭ ارحيۆٸ دە جوعالىپ كەتەدٸ. ال ارحيۆپەن بٸرگە ەلدٸڭ قوعامدىق-ساياسي تاريحىنىڭ ماڭىزدى تۇستارى دا قولجەتٸمسٸز بولىپ قالادى.
ايماحامبەتوۆ دەستٷرلٸ باسپا باق-تا مۇنداي مەسەلە ەلدەقاشان شەشٸلگەن گازەتتەر مەن جۋرنالداردىڭ كٶشٸرمەلەرٸ ۇلتتىق كٸتاپحانالارعا تاپسىرىلىپ, ارحيۆكە سالىناتىنىن اتاپ ٶتتٸ. بۇل – تاريحي اقپاراتتى ساقتاۋدىڭ قالىپتاسقان جٷيەسٸ. بٸراق ەلەكتروندى رەداكتسييالاردىڭ ماتەريالى جوعالسا, بولاشاقتا ەلدٸڭ اقپاراتتىق مۇراسى قانشالىقتى تولىق ساقتالاتىنى سۇراق تۋدىرادى.
دەپۋتات وسى مەسەلەلەر ارحيۆتەر تۋرالى زاڭ جوباسى تالقىلانعان وتىرىستا كٶتەرٸلگەنٸن اتاپ ٶتتٸ.
«حالىقارالىق تەجٸريبە بويىنشا, كٶپتەگەن ەلدٸڭ زاڭناماسىندا تسيفرلىق باسىلىمدارعا ارنالعان ارنايى “legal deposit” جٷيەلەرٸ ەنگٸزٸلگەن. ياعني ەلەكتروندى باسىلىمدار ٶز جارييالانىمدارىن ۇلتتىق ارحيۆتەرگە تاپسىرادى. بٸز دە وسى سالانىڭ ماماندارىمەن بٸرگە, باسپا باسىلىمدارىنا قولدانىلىپ جٷرگەن مودەل بويىنشا تسيفرلىق جاڭالىق پورتالدارىن ورتالىقتاندىرىلعان ارحيۆكە بەرۋ مٷمكٸندٸگٸن تالقىلاۋىمىز كەرەك», - دەپ جازدى اسحات ايماحامبەتوۆ.
ونىڭ سٶزٸنشە, بارلىق تاراپقا قولايلى مەحانيزم تابۋ ماڭىزدى.
«جاڭالىق پورتالى جابىلىپ قالسا, بٸز جاي عانا سايتتان ايىرىلىپ قانا قويماي, ەل تاريحىنىڭ بٸر بٶلٸگٸن جوعالتامىز», - دەدٸ دەپۋتات.
