ورتالىقتىڭ نەگىزگى مىندەتى – باس بوستاندىعىنان ايىرۋ ورىندارىنان بوساتىلعان جانە پروباسيا قىزمەتىنىڭ ەسەبىندە تۇرعان ادامدارعا الەۋمەتتىك-قۇقىقتىق، مەديسينالىق جانە زاڭ تۇرعىسىندا كومەك كورسەتۋ، جۇمىسقا ورنالاستىرۋ، قۇجاتتاندىرۋ، زەينەتاقى جانە جاردەماقىلاردى راسىمدەۋگە كومەكتەسۋ. اتالعان ءىس-شارالاردى ورتالىقتاندىرۋ، قىزمەت اتقارۋ ءتارتىبى مەن رەتتىلىگىن «ءبىر تەرەزە» قاعيداسى بويىنشا جەڭىلدەتۋ، وبلىستاعى پروباسيا قىزمەتى ەسەبىندە تۇرعانداردى باقىلاۋ دا ورتالىقتىڭ نەگىزگى مىندەتتەرىنىڭ ءبىرى. جوبا اياسىندا اۋدان اكىمشىلىگى، پروكۋراتۋرا جانە ىشكى ىستەر ورگانىمەن بىرلەسىپ ءىس-شارالار جوسپارى بەكىتىلىپ، ءوزارا ارىپتەستىك قارىم-قاتىناستى ودان ءارى دامىتۋ جونىندە ىنتىماقتاستىق تۋرالى كەلىسىمگە قول قويىلدى.
بۇگىندە باس بوستاندىعىنان ايىرۋ ورىندارىنان بوساتىلعان جانە پروباسيا قىزمەتىنىڭ ەسەبىندە تۇرعان ادامدارعا الەۋمەتتىك-قۇقىقتىق جانە وزگە دە كومەكتەردى كورسەتۋ ءۇشىن تۇراقتى توپ قۇرىلعان. ولار پروباسيالىق ەسەپتە تۇرعان 6 ادامعا– پسيحولوگيالىق، 12 ادامعا - قۇقىقتىق، ونىڭ ىشىندە 8-ىنە جەرگىلىكتى اتقارۋشى ورگان تاراپىنان بولىنگەن كۆوتا نەگىزىندە جۇمىسقا ورنالاسۋ ءۇشىن قۇجات دايىنداۋعا كومەك كورسەتتى.
Dalanews.kz
