Ortalyqtyń negizgi mindeti – bas bostandyǵynan aıyrý oryndarynan bosatylǵan jáne probasıa qyzmetiniń esebinde turǵan adamdarǵa áleýmettik-quqyqtyq, medısınalyq jáne zań turǵysynda kómek kórsetý, jumysqa ornalastyrý, qujattandyrý, zeınetaqy jáne járdemaqylardy rásimdeýge kómektesý. Atalǵan is-sharalardy ortalyqtandyrý, qyzmet atqarý tártibi men rettiligin «bir tereze» qaǵıdasy boıynsha jeńildetý, oblystaǵy probasıa qyzmeti esebinde turǵandardy baqylaý da ortalyqtyń negizgi mindetteriniń biri. Joba aıasynda aýdan ákimshiligi, prokýratýra jáne ishki ister organymen birlesip is-sharalar jospary bekitilip, ózara áriptestik qarym-qatynasty odan ári damytý jóninde yntymaqtastyq týraly kelisimge qol qoıyldy.
Búginde bas bostandyǵynan aıyrý oryndarynan bosatylǵan jáne probasıa qyzmetiniń esebinde turǵan adamdarǵa áleýmettik-quqyqtyq jáne ózge de kómekterdi kórsetý úshin turaqty top qurylǵan. Olar probasıalyq esepte turǵan 6 adamǵa– psıhologıalyq, 12 adamǵa - quqyqtyq, onyń ishinde 8-ine jergilikti atqarýshy organ tarapynan bólingen kvota negizinde jumysqa ornalasý úshin qujat daıyndaýǵa kómek kórsetti.
Dalanews.kz
