قازاقستاندا جالعا بەرۋ جانە جالعا العان باسپانانى قايتا جالعا بەرۋ نەمەسە باسقارۋ (سۋبارەندا) ءوزىن-وزى جۇمىسپەن قامتۋشىلارعا ارنالعان سالالار تىزىمىنە ەنگىزىلىپ وتىر. بۇل نەنى بىلدىرەدى؟ 2026 جىلدىڭ 1 قاڭتارىنان باستاپ پاتەر نەمەسە قانداي دا ءبىر نىساندى جالعا بەرۋشىلەر جك (جەكە كاسىپكەرلىك) تىركەۋسىز جۇمىس ىستەي الادى جانە تابىسىنىڭ 4% مولشەرىندە ءبىرىڭعاي الەۋمەتتىك تولەم تولەيدى، دەپ حابارلايدى Dalanews.kz.
جاڭا سالىق رەجيمى تۇرعىن ءۇيدى جالعا بەرۋ جانە جالعان العان باسپانانى قايتا جالعا بەرۋ نەمەسە باسقارۋ (سۋبارەندا) قىزمەتىن ۇسىناتىن ءوزىن-وزى جۇمىسپەن قامتۋشىلارعا قاتىستى قولدانىلادى. تولەمدەر ەندڭ تەك الەۋمەتتىك جاعىن قامتيدى: زەينەتاقى جارناسى، مەديسينالىق جانە الەۋمەتتىك ساقتاندىرۋ ەنەتىن تابىستىڭ 4% مولشەرىندە ۇستالادى. جك تىركەۋ تالاپ ەتىلمەيدى، تەك جۇيەگە قوسىلىپ، تولەمدەر جاساۋ جەتكىلىكتى.
ماسەلەن، بۇرىن باسپانانى زاڭدى تۇردە جالعا بەرۋ ءۇشىن جەكە كاسىپكەرلىكتى راسىمدەۋ نەمەسە جك-سىز جەكە تۇلعا رەتىندە تابىستىڭ 10%-ىن تولەۋ قاجەت بولعان. 2020-2023 جىلدارى كوپتەگەن ادام ەڭ تومەنگى جارنا كولەمىندە بجت-نى (ەسپ) قولدانىپ كەلگەن (جك-سىز)،ءبىراق 2024 جىلدان باستاپ ونىڭ كۇشى جويىلدى. جاڭا رەجيم ءىس جۇزىندە باسپانانى جالعا بەرۋشىلەر ءۇشىن وسى بجت-نىڭ (ءبىرىڭعاي جيىنتىق تولەم) ورنىن باسادى: ءبىراق ناقتى شارتتارمەن جانە 4% مولشەرلەمەمەن.
ال 2025 جىلى مىنانداي فورمالار قولدانىستا بولدى:
- جك-دان پاتەنت تالاپ ەتىلدى – تابىستىڭ 1% كولەمىندە؛
- جق-دان E-Salyk ءۇشىن تابىستىڭ 1%-ى سۇرالدى؛
- جك-سى جوق جەكە تۇلعالاردان جالپى تابىستىڭ 10%-ى الىناتىن.
2026 جىلدان باستاپ جالعا بەرۋ قىزمەتىندە بۇل رەجيمدەردىڭ كۇشى جويىلادى، ءوزىن-وزى جۇمىسپەن قامتۋشىلار ءۇشىن تابىستىڭ 4%-ى كولەمىن تالاپ ەتەتىن رەجيم ەنگىزىلەدى (جك-سىز).
ءوزىن-وزى جۇمىسپەن قامتۋشىلارعا، سونىڭ ىشىندە باسپاناسىن جالعا بەرۋشىلەرگە ارنالعان تالاپتار:
- تابىسى ايىنا 300 اەك-تەن اسپاۋى ءتيىس (شامامەن 1،2 ملن تەڭگە).
- تەك جەكە تۇلعارمەن جۇمىس ىستەۋى كەرەك.
- قول استىندا جۇمىسشىلارى بولماۋى قاجەت، جۇمىسشىلاردى جالدامايدى.
ەسەپ-قيساپتان دا مىسال كەلتىرە كەتەلىك: ماسەلەن پاتەردى ايىنا 300 000 تەڭگەگە جالعا بەردىك دەلىك، جىلىنا 3،6 ملن تەڭگە جالعا بەرۋ قۇنى شىعادى. جاڭا رەجيم بويىنشا تولەم: جىلىنا 4% = 144 000 تەڭگە (ورتا ەسەپپەن ايىنا 12 000 تگ). ال 4%-دىق تولەمدى ءموبيلدى قوسىمشا ارقىلى اۆتوماتتى تۇردە الۋ جوسپارلانىپ وتىر. ول تۋرالى كەيىنىرەك قوسىمشا حابارلانادى.
"ەگەر اتىڭىزدا جك بولسا، وندا 2025 جىلدىڭ 31 جەلتوقسانىنا دەيىن سالىق ورگانىنا بارىپ، № 029 نىسان بويىنشا ءوتىنىش بەرىڭىز. ەگەر باسپانانى العاش رەت جالعا بەرىپ جاتساڭىز: جەكە كاسىپكەرلىكتى تىركەۋ قاجەت ەمەس: ءوزىن-وزى جۇمىسپەن قامتۋشىلار جۇيەسە قواسىلىپ، العاشقى تولەمدى جاساساڭىز بولدى، ارى قاراي 4% مولشەرىندە تولەم تولەۋدى جالعاستىرا بەرەسىز. بۇل جالعا بەرۋدەن تۇسەتىن كىرىستەردى بيۋروكراتياسىز قاراپايىم زاڭداستىرۋ ءتۇرى بولىپ تابىلادى"، - دەيدى ماماندار.
ءوزىن-وزى قامتۋشىلار تىزىمىنە باسپاناسىن جالعا بەرۋشىلەردەن بولەك، مىنا جۇمىس تۇرلەرى دە كىرەدى:
- مال شارۋاشىلىعىنا قولداۋ كورسەتەتىن قىزمەتتەر،
- مۋزىكالىق اسپاپتار ۇستاحاناسى،
- سىلاق جۇمىستارى،
- اعاش ۇستاسى،
- ەدەن توسەۋ جانە قابىرعالاردى قاپتاۋ،
- سىرلاق جانە شىنى قويۋ جۇمىستارى،
- تاكسي قىزمەتى،
- جۇك اۆتوموبيل كولىگىنىڭ قىزمەتى،
- سىياقى ءۇشىن نەمەسە شارتتىق نەگىزدە جىلجىمايتىن مۇلىكتى باسقارۋ،
- فوتو سالوندار،
- اۋىزشا جانە جازباشا اۋدارما جاسايتىندار،
- ۆەتەريناريالىق قىزمەت،
- جەڭىل اۆتوموبيلدەردى جالعا بەرۋ،
- جۇك اۆتوموبيلدەرىن جالعا بەرۋ،
- ويىن-ساۋىق جانە سپورت جابدىقتارىن جالعا بەرۋ جانە ليزينگ،
- بەينەكاسسەتالار مەن ديسكىلەردى پروكاتقا بەرۋ،
- جەكە تۇتىنۋ زاتتارى مەن تۇرمىستىق تاۋارلاردى جالعا بەرۋ جانە ليزينگ،
- اۋىل شارۋاشىلىعى ماقساتىنداعى تەحنيكالار مەن جابدىقتاردى، باسقا دا كەڭسە تەحنيكالارى مەن جابدىقتارىن جالعا بەرۋ،
- جالپى تۇرعىن ۇيلەردى جيناپ، تازالاۋ (كلينينگ قىزمەتى)،
- تازالىق بويىنشا وزگە دە قىزمەت،
- سپورت جانە دەمالىس سالاسىنداعى ءبىلىم،
- مادەنيەت سالاسىنداعى ءبىلىم،
- باسقا دا ءبىلىم بەرۋ سالاسىنداعى قىزمەت،
- ءبىلىم بەرۋ سالاسىنداعى وزگە دە قوسالقى قىزمەت،
- كوركەم جانە ادەبي شىعارماشىلىق،
- كومپيۋتەرلەر مەن باسقا دا تەحنيكانى جوندەۋ،
- كوممۋنيكاسيالىق جابدىقتاردى جوندەۋ،
- ەلەكتروندىق تۇرمىستىق تەحنيكانى جوندەۋ،
- تۇرمىستىق اسپاپتاردى جوندەۋ،
- اياق-كيىم جوندەۋ،
- تابيعي جانە جاساندى بىلعارىدان جاسالعان گالانتەرەيا بۇيىمدارىن جوندەۋ،
- جيھاز جانە ينتەرەر زاتتارىن جوندەۋ،
- ساعات جوندەۋ
- زەرگەرلىك بۇيىمداردى جوندەۋ،
- توقىما جانە توقىلعان بۇيىمداردى جوندەپ، تىگۋ،
- تىگىن بۇيىمدارىن جوندەۋ،
- تەرىدەن جانە بىلعارىدان جاسالعان بۇيىمدار مەن باس كيىمدەردى جوندەپ، تىگۋ،
- مۋزىكالىق اسپاپتاردى جوندەۋ،
- كىلەمدەر مەن كىلەم بۇيىمدارىن جوندەپ، توقۋ،
- ۆەلوسيپەدتەردى جوندەۋ،
- باسقا دا جەكە تۇتىنۋ زاتتارى مەن تۇرمىستىق تاۋارلاردى جوندەۋ،
- شاشتارازدار مەن سۇلۋلىق سالوندارى،
- ءۇي قىزمەتشىسىن جالدايتىن شارۋاشىلىقتار،
- ءۇي شارۋاشىلىقتارىنىڭ ءوز تۇتىنىسى ءۇشىن تاۋارلار ءوندىرۋى.
بۇلارعا دا قاتىستى وزگەرىستى جوعارىدا باسپانانى جالعا بەرۋ بويىنشا كورسەتىلگەن مىسالداعى سحەمالار قامتيتىنىن باسا ايتا كەتەلىك.
