مەملەكەتتىك قايتا تىركەۋ كەزىندە كەزدەسەتىن اكىمشىلىك كەدەرگىلەر جويىلدى. ەندى الماتى قالاسىنىڭ كاسىپكەرلەرى ءۇشىن بيزنەستى قايتا تىركەۋ جەڭىلدەتىلدى، دەپ حابارلايدى قالالىق پروكۋراتۋرا.

الماتىنىڭ كاسىپكەرلەرى بۇدان بىلاي قۇجاتتى قايتا جيناپ، تاپسىرىپ اۋرە بولمايتىن بولدى.

ۆەدومستۆونىڭ حابارلاۋىنشا، بۇرىن كاسىپكەر قۇجاتتاعى بولماشى قاتە ءۇشىن ءۇش كۇن نەمەسە ودان دا كوپ ۋاقىت جۇمسايتىن ەدى.

"الماتى قالالىق پروكۋراتۋراسى، "اتامەكەن" كاسىپكەرلەر پالاتاسى جانە "ازاماتتارعا ارنالعان ۇكىمەت" قۇجات تاپسىرۋ مەرزىمىن قىسقارتتى، ەندى ارى كەتسە ءۇش كۇننەن جەتى كۇنگە دەيىن ۋاقىت قاجەت بولادى"، – دەلىنگەن حابارلامادا.

جىل سايىن اتالمىش مەملەكەتتىك كومەكتى الۋ ءۇشىن مىڭداعان كاسىپكەر ازاماتتارعا ارنالعان ۇكىمەتكە جۇگىنەتىنى ايتىلعان.

زاڭدى تۇلعالاردى قايتا تىركەۋ بارىسىندا كاسىپكەرلەر قانداي ماسەلەلەرگە تاپ بولاتىنىن پروكۋرورلار انىقتادى.

"ەگەر كاسىپكەرلىك قۇجاتىندا قاتە تابىلسا، وندا قايتا تىركەۋگە رۇقسات بەرىلمەيتىن ەدى. پروكۋراتۋرا بۇل ماسەلەنى جان-جاقتى قاراستىرىپ، بيزنەستى قايتا تىركەۋدەن باس تارتپاي، قۇجاتتاردى تولىقتىرۋعا جىبەرۋ كەرەك دەپ شەشتى.

جاڭا قازاقستاننىڭ ەكونوميكاسىنىڭ نەگىزگى تىرەگى ورتا تاپ وكىلدەرى.

ەلدەگى كىشى جانە ورتا بيزنەس جاڭا جۇمىس ورىندارىن قالىپتاستىرىپ، كاسىپكەردىڭ تۋىستارى مەن جاقىندارىنا دامۋعا مۇمكىندىك بەرەدى"، – دەيدى ۆەدومستۆو وكىلدەرى.