Almatynyń kásipkerleri budan bylai qujatty qaita jinap, tapsyryp áýre bolmaityn boldy.
Vedomstvonyń habarlaýynsha, buryn kásipker qujattaǵy bolmashy qate úshin úsh kún nemese odan da kóp ýaqyt jumsaityn edi.
"Almaty qalalyq prokýratýrasy, "Atameken" kásipkerler palatasy jáne "Azamattarǵa arnalǵan úkimet" qujat tapsyrý merzimin qysqartty, endi ary ketse úsh kúnnen jeti kúnge deiin ýaqyt qajet bolady", – delingen habarlamada.
Jyl saiyn atalmysh memlekettik kómekti alý úshin myńdaǵan kásipker azamattarǵa arnalǵan úkimetke júginetini aitylǵan.
Zańdy tulǵalardy qaita tirkeý barysynda kásipkerler qandai máselelerge tap bolatynyn prokýrorlar anyqtady.
"Eger kásipkerlik qujatynda qate tabylsa, onda qaita tirkeýge ruqsat berilmeitin edi. Prokýratýra bul máseleni jan-jaqty qarastyryp, biznesti qaita tirkeýden bas tartpai, qujattardy tolyqtyrýǵa jiberý kerek dep sheshti.
Jańa Qazaqstannyń ekonomikasynyń negizgi tiregi orta tap ókilderi.
Eldegi kishi jáne orta biznes jańa jumys oryndaryn qalyptastyryp, kásipkerdiń týystary men jaqyndaryna damýǵa múmkindik beredi", – deidi vedomstvo ókilderi.
