«جاڭا مەشىتتىڭ كىرەبەرىس اللەياسىنىڭ الدىندا قوعامدىق كەڭىستىك اشىلادى. ءقازىر بۇل جەردە ابباتتاندىرۋ جۇمىسى ءجۇرىپ جاتىر. بۇل قوعامدىق كەڭىستىك قالا تۇرعىندارى مەن قوناقتارى ءۇشىن ۋاقىتتى ءتيىمدى وتكىزۋگە بولاتىن تارتىمدى ورىنداردىڭ بىرىنە اينالادى. قوعامدىق كەڭىستىك ماڭگىلىك ەل، قابانباي باتىر داڭعىلدارى جانە ساۋران، حۋسەين بەن تالال كوشەلەرىنىڭ بويىندا ورنالاسقان.
ورتالىق اللەيادا ۇزىندىعى 300 مەتر بولاتىن سۋبۇرقاق ورنالاسقان، سول سياقتى كولەڭكەلى شاتىرلار، شاعىن ساۋلەت نىساندارى ورناتىلادى ءارى ماڭايى اۋقىمدى تۇردە كوگالداندىرىلادى.
جاياۋ سەرۋەندەۋ، دەمالىستى تىنىش ورىندا وتكىزۋ جاعدايى، كولىك تۇراقتارى جانە ت.ب. ورىندار قاراستىرىلعان.
جىل سايىن اۋماقتى قوسىمشا كوگالداندىرىپ، قوعامدىق كەڭىستىكتى جاقسارتاتىن بولامىز. ول كەزەڭ-كەزەڭىمەن اباتتاندىرىلعان ۇلكەن ساياباققا اينالادى.
مەشىتتىڭ وزىنە كەلەتىن بولساق، ول ەلىمىزدەگى جانە ورتالىق ازياداعى ەڭ ۇلكەن مەشىت بولىپ ەسەپتەلەدى. نەگىزگى كۇمبەزىنىڭ بيىكتىگى – 90 مەتر، مۇنارالارى – 130 مەتر. مەشىتتىڭ سىيىمدىلىعى 30 مىڭ ادامعا ارنالعان. مەشىتتىڭ قۇرىلىسى دەمەۋشىلىك قاراجات ەسەبىنەن جۇرگىزىلىپ جاتىر»، – دەپ جازدى ەلوردا اكىمى.
