«Jańa meshittiń kireberis alleiasynyń aldynda qoǵamdyq keńistik ashylady. Qazir bul jerde abbattandyrý jumysy júrip jatyr. Bul qoǵamdyq keńistik qala turǵyndary men qonaqtary úshin ýaqytty tiimdi ótkizýge bolatyn tartymdy oryndardyń birine ainalady. Qoǵamdyq keńistik Máńgilik El, Qabanbai batyr dańǵyldary jáne Saýran, Hýsein Ben Talal kósheleriniń boiynda ornalasqan.
Ortalyq alleiada uzyndyǵy 300 metr bolatyn sýburqaq ornalasqan, sol siiaqty kóleńkeli shatyrlar, shaǵyn sáýlet nysandary ornatylady ári mańaiy aýqymdy túrde kógaldandyrylady.
Jaiaý serýendeý, demalysty tynysh orynda ótkizý jaǵdaiy, kólik turaqtary jáne t.b. oryndar qarastyrylǵan.
Jyl saiyn aýmaqty qosymsha kógaldandyryp, qoǵamdyq keńistikti jaqsartatyn bolamyz. Ol kezeń-kezeńimen abattandyrylǵan úlken saiabaqqa ainalady.
Meshittiń ózine keletin bolsaq, ol elimizdegi jáne Ortalyq Aziiadaǵy eń úlken meshit bolyp esepteledi. Negizgi kúmbeziniń biiktigi – 90 metr, munaralary – 130 metr. Meshittiń syiymdylyǵy 30 myń adamǵa arnalǵan. Meshittiń qurylysy demeýshilik qarajat esebinen júrgizilip jatyr», – dep jazdy elorda ákimi.
