قازاقستاندا الاياقتار "ۇتىس لوتەرەيالارىن" ويناتۋ ارقىلى ورىندىقتارعا ارنالعان ماسساج جابىندىلارىن نارىقتاعى باعاسىنان 10 ەسە قىمباتقا ساتۋدا. "ۇتىس ويناۋعا" كەلٸسكەن ادامداردىڭ اتىنا تۋرا سول ارادا نەسيە رەسٸمدەلٸپ, ال "تەگٸن سىيلىقتار" ميلليونعا اينالىپ شىعا كەلەتٸن بولعان. ەسٸرەسە, وسىنداي اكتسييا قۇربانى بولعان قوستانايلىقتار تۇتىنۋشىلار قۇقىعىن قورعاۋ كوميتەتٸنە شاعىمدانعان, دەپ حابارلايدى Dalanews.kz.
كونۆەرت سۋىرۋدى ۇسىناتىن "ۇتىس لوتەرەياسىن" ويناتۋشىلار كٶشەدەگٸ ادامدارعا جاقىندايدى. كونۆەرتتٸ اشقاندا ولاردىڭ بٸرٸ شاڭسورعىش, تاعى بٸرٸ ٷتٸك, سول سەكٸلدٸ ميكروتولقىندى پەشتەر جەنە باسقا دا قۇندى سىيلىقتارعا يە بولعانى بەلگٸلٸ بولادى. "سىيلىقتى" تابىستاۋ ٷشٸن كٶشەدەگٸ ادامدار دەمحاناعا نەمەسە مەيرامحانالارعا شاقىرىلادى. بٸراق, ول ارادا "ۇتىسقا يە بولعانداردى" ناعىز تۇزاق كٷتٸپ تۇرادى.
"سىيلىقپەن بٸرگە ۇتىس ويناتۋشىلار ماسساج جابىندىلارىن ساتىپ الۋدى ۇسىنادى. ەگەر ساتىپ الۋشىنىڭ قولىندا اقشاسى بولماسا, ساتۋشىلار بانكتٸك قوسىمشالار ارقىلى دەل سول ارادا نەسيە رەسٸمدەيدٸ. نەتيجەسٸندە "تەگٸن سىيلىق" تۇتىنۋشىعا 1 ميلليون تەڭگەدەن استام شىعىن ەكەلەدٸ, ال تاۋار نارىقتىق قۇنىنان 10 ەسە قىمباتقا تٷسەدٸ", – دەپ تٷسٸندٸرەدٸ تۇتىنۋشىلاردىڭ قۇقىقتارىن قورعاۋ كوميتەتٸ.
مۇندايدا ٶز قۇقىقتارىڭىزدى قالاي قورعاۋعا بولادى?
قۇزىرلى ۆەدومستۆو ماماندارى بۇل رەتتە مىنالاردى ەسكە سالادى:
- ساتىپ العاننان كەيٸن 14 كٷن ٸشٸندە تاۋاردى كەرٸ قايتارۋعا بولادى;
- ساتىپ الۋ فاكتٸسٸ مەن قايتارۋ سوماسىن كٶرسەتە وتىرىپ, سوتقا دەيٸنگٸ تالاپ قويۋ ارىزىن تولتىرۋ قاجەت;
- ساتۋشى شاعىمدى 10 كٷن ٸشٸندە قاراۋعا مٸندەتتٸ;
- ەگەر ساتۋشى كٶرسەتٸلگەن زاڭدى مەكەن-جايىندا بولماسا, سوتقا جٷگٸنٸڭٸز;
- سونداي -اق, بانككە جوسىقسىز ساتۋشى تۋرالى حابارلاۋ ۇسىنىلادى, بۇل ولاردىڭ شوتتارىن بۇعاتتاۋعا كٶمەكتەسەدٸ.
ماماندار "تەگٸن سىيلىق" اكتسييالارى اگرەسسيۆتٸ ماركەتينگ پەن پسيحولوگييالىق قىسىمدى جيٸ پايدالاناتىنىن ەسكە سالادى. سوندىقتان ەل ازاماتتارىنا قىراعى بولۋعا جەنە ساتىپ الۋ شارتتارىن تەكسەرمەي, ەشبٸر قۇجاتقا قول قويماۋعا كەڭەس بەرەدٸ.
