الماتى وبلىسىندا 10 جاسار بالانى يت تالاپ تاستاعان وقيعاعا قاتىستى ەكٸنشٸ تاراپتىڭ پٸكٸرٸ بەلگٸلٸ بولدى. يتتەردٸڭ يەسٸ, وڭالتۋ ورتالىعىنىڭ ديرەكتورى الماز حاليەۆ جاعدايدىڭ باسقاشا ٶربٸگەنٸن ايتادى, دەپ حابارلايدى Dalanews.kz.
حاليەۆتٸڭ سٶزٸنشە, ورتالىقتىڭ جانىندا ويناپ جٷرگەن ەكٸ بالا قورشاۋعا شىعىپ, اۋلاداعى يتتەردٸ ىزالاندىرعان. يتتەر ورتالىق اۋماعىندا ەركٸن جٷرگەن ەكٸ بەس ايلىق كٷشٸكتەر ەكەن. ال ەرەسەك يتتەر جابىق ۆولەردە بولعان.
«بالالار قورشاۋدىڭ ٷستٸنە شىعىپ الىپ, يتتەردٸ اشۋلاندىرعان. بٸر سەتتە بالالاردىڭ بٸرٸ ەكٸنشٸسٸن اۋلا ٸشٸنە يتەرٸپ جٸبەرگەن. بٸزدە مۇنىڭ بەرٸ بەينەجازبادا بار. بالا اۋلاعا قۇلاپ, ايقايلاعان سوڭ, ەكٸنشٸسٸ كٶمەك شاقىرۋ ٷشٸن جٷگٸرٸپ كەتكەن», – دەيدٸ ول.
ورتالىق باسشىسىنىڭ ايتۋىنشا, بالاعا شابۋىلداعان – ەلگٸ ەكٸ كٷشٸك بولعان. ونىڭ سٶزٸنشە, ولار قاقپادان ٶز بەتتەرٸمەن شىعا الماعان. بالاعا كٶمەككە كەلگەن ازامات قاقپانى ٶزٸ اشىپ, ٸشكە كٸرگەن كٶرٸنەدٸ.
«ەلگٸ ادام بالانى قۇتقارۋ ٷشٸن ٸشكە كٸرگەنٸن تٷسٸنەمٸن. بٸراق ول مٷلدە زييانى جوق ەكٸ كٷشٸكتٸ پىشاقتاپ تاستاعان. ەندٸ ولاردى «سىرتقا شىعىپ, بالانى قۋىپ جەتٸپ تالادى» دەپ جاتىر. ولاردىڭ پسيحيكاسى ەلٸ تولىق قالىپتاسپاعان, اگرەسسيياسى جوق. اۋماقتان سىرتقا شىعۋى مٷمكٸن ەمەس. بەرٸ ٸشتە بولعان», – دەپ تٷسٸندٸرەدٸ حاليەۆ.
ول يتتەردٸڭ ورتالىق اۋماعىندا ٶمٸر سٷرەتٸنٸن جەنە بەلگٸلٸ بٸر دەرەجەدە كٷزەت قىزمەتٸن اتقاراتىنىن مويىندايدى. حاليەۆ جانۋارلاردى ۇستاۋ تالاپتارى تولىق ساقتالعانىن جەنە قورشاۋدا بەس جىلدان بەرٸ «ابايلاڭىز, قاباعان يتتەر!» دەگەن ەسكەرتۋ تاقتايشاسى ٸلٸنٸپ تۇرعانىن جەتكٸزدٸ.
ەسكە سالايىق, الماتى وبلىسىنىڭ قاراساي اۋدانىنا قاراستى اۋىلدا 10 جاستاعى بالانى ەكٸ قاباعان يت تالاپ, اۋىر جاراقاتتادى. وقيعا 30 مامىردا بولعان.
وقيعانىڭ باستى كۋەگەرٸ ەرٸ بالانى قۇتقارىپ قالعان اۋىل تۇرعىنى, زەينەتكەر سەرٸكبەك ساقايبەكوۆتىڭ ايتۋىنشا, سول كٷنٸ كٶلٸگٸمەن جولاۋشى ەيەلدٸ ٷيٸنە جەتكٸزۋ ٷشٸن بارا جاتقاندا, بٸر توپ بالانىڭ شۋلاپ, جان-جاققا قاشا جٶنەلگەنٸن كٶرگەن.
قازٸر 10 جاستاعى بالا قاراساي اۋداندىق ورتالىق اۋرۋحاناسىندا اۋىر جاراقاتپەن ەم الىپ جاتىر.
بالانىڭ اناسى ەكاتەرينا بۋرميستروۆانىڭ ايتۋىنشا, ۇلىنىڭ جاعدايى ٶتە قيىن.
بۇعان دەيٸن وبلىستىق دەنساۋلىق ساقتاۋ باسقارماسى بالانىڭ جاعدايى تۋرالى ايتقان ەدٸ.
سونىمەن قاتار, ٸستٸ پروكۋراتۋرا باقىلاۋىنا الدى.
