الماتى وبلىسىندا ٸلە اۋدانىنىڭ ەكس-ەكٸمٸ باعدات قاراساەۆقا قاتىستى سوت پروتسەسٸ اياقتالدى. ول قىزمەتتٸك ٶكٸلەتتٸگٸن تەرٸس پايدالانعانى جەنە زاڭسىز كەسٸپكەرلٸككە قاتىسقانى ٷشٸن كٸنەلٸ دەپ تانىلىپ, سوت شەشٸمٸمەن باس بوستاندىعىنان ايىرىلدى, دەپ حابارلايدى Dalanews.kz قازاقپاراتقا سٸلتەمە جاساپ.
سوت ماتەريالدارىنداعى مەلٸمەتكە سەيكەس, قاراساەۆ ەكٸم بولىپ تۇرعان كەزٸندە لاۋازىمىن پايدالانىپ, بٸر جاۋاپكەرشٸلٸگٸ شەكتەۋلٸ سەرٸكتەستٸككە جەر تەلٸمٸن زاڭسىز تٷردە رەسٸمدەپ بەرگەن. ودان بٶلەك, قاتتى تۇرمىستىق قالدىقتار پوليگونىنىڭ جۇمىسىن ۇيىمداستىرۋ كەزٸندە سول كەسٸپورىنعا قولايلى جاعداي جاساپ, ونىڭ قىزمەتٸنە تٸكەلەي ارالاسقانى انىقتالعان.
سوت قىلمىستىق كودەكستٸڭ 361-بابىنىڭ 3-بٶلٸگٸ جەنە 364-بابىنىڭ 3-بٶلٸگٸ بويىنشا ايىپتى دەپ تانىپ, قاراساەۆقا 3 جىل 3 ايعا باس بوستاندىعىنان ايىرۋ جازاسىن بەلگٸلەدٸ. سونىمەن قاتار ول ٶمٸر بويىنا مەملەكەتتٸك قىزمەتتە لاۋازىمدى مٸندەتتەر اتقارۋ قۇقىعىنان ايىرىلدى.
ٸستە فيگۋرانت بولعان ٶزگە تۇلعالار دا جازاعا تارتىلدى. ب. ەسٸمدٸ ەيەلگە مەملەكەتتٸك قۇرىلىمداردا جۇمىس ٸستەۋگە ٶمٸر بويىنا تىيىم سالىنىپ, 1 جىل باس بوستاندىعىن شەكتەۋ جازاسى تاعايىندالدى. د. ەسٸمدٸ ازامات 3 جىل بويى مەملەكەتتٸك مٷلٸكتٸ سەنٸمگەرلٸك باسقارۋعا قاتىسۋ قۇقىعىنان ايىرىلىپ, 2 جىل 6 ايعا باس بوستاندىعى شەكتەلدٸ. ال م. ەسٸمدٸ تاعى بٸر قاتىسۋشى تولىق اقتالىپ شىقتى.
ٷكٸم ەزٸرگە كٷشٸنە ەنگەن جوق.
ەسكە سالايىق, 2024 جىلى 4 قىركٷيەكتە قاراساەۆتىڭ ۇستالعانى بەلگٸلٸ بولدى.
باعدات قاراساەۆ ٸلە اۋدانىن 2018 جىلعى قىركٷيەكتەن باستاپ باسقاردى. وعان دەيٸن الماتى وبلىسى ەكٸمٸنٸڭ كەڭەسشٸسٸ, تالدىقورعان قالاسىنىڭ ەكٸمٸ, سونداي-اق وبلىس ەكٸمدٸگٸ اپپاراتىنىڭ باسشىسى قىزمەتتەرٸن اتقارعان.
ٸلە اۋدانىنىڭ ەكٸمشٸلٸك ورتالىعى – الماتى ٸرگەسٸندەگٸ ٶتەگەن باتىر كەنتٸ (گرەس). اۋدان اۋماعىنان بٸرنەشە تەمٸرجول جەلٸلەرٸ مەن اۆتوكٶلٸك جولدارى ٶتەدٸ, مۇندا كٶپتەگەن لوگيستيكالىق حابتار مەن تەمٸرجول تۇيىقتارى ورنالاسقان. ولاردىڭ اراسىندا "سوڭعى كيلومەتر" دەپ اتالاتىن ينفراقۇرىلىم دا بار. وسى فاكتورلاردىڭ ەسەرٸنەن ٸلە اۋدانى الماتى وبلىسىنداعى ەڭ باي اۋدانداردىڭ بٸرٸ سانالادى جەنە ٶڭٸر بيۋدجەتٸنە ەدەۋٸر ٷلەس قوسىپ كەلەدٸ.
سونىمەن قاتار, قاراساەۆتىڭ ۇستالۋىنا قاتىستى الماتى وبلىسىنىڭ ەكٸمٸ مارات سۇلتانعازيەۆ پٸكٸر بٸلدٸرگەن بولاتىن.
