Cloud-سەرۆيستىڭ كومەگىنە جۇگىنەتىن شاعىن جانە ورتا كاسىپكەرلەردىڭ قاتارى كوبەيىپ كەلەدى، مەمقۇرىلىمدار دا وسى تەحنولوگيانى تۇراقتى پايدالانۋعا كوشكەن.
Gartner ساراپتاما كومپانياسىنىڭ بولجامى بويىنشا 2024 جىلدان باستاپ ءىت شىعىنداردىڭ 45 پايىزى ءداستۇرلى شەشىمدەردەن بۇلتتى تەحنولوگيالارعا قاراي ويىسادى.
بۇلاردىڭ ىشىنە – ءىت ينفراقۇرىلىمدار، باعدارلامالىق قامتۋ جانە بيزنەس-پروسەستى اۋتسورسينگىلەۋ سەكىلدى شىعىندار كىرەدى.
الەم بويىنشا Cloud-تەحنولوگيالارعا سۇرانىس پەن قولدانىستىڭ ارتۋى، وسىناۋ سەرۆيستىڭ امبەباپتىعى، يكەمدىلىگى جانە قاۋىپسىزدىگىمەن تىكەلەي بايلانىستى.
IDC ساراپشىلارىنىڭ ءمالىم ەتكەنىندەي 2021 جىلى جاريالى بۇلتتى سەرۆيستەرگە جۇمسالعان شىعىن دۇنيەجۇزى بويىنشا 408 ملرد دوللاردان اسىپ جىعىلعان، 2020 جىلى بۇل كورسەتكىش 316 ملرد دوللاردى قۇراعان ەدى. تەك ءبىر جىلدىڭ ارالىعىندا اتالعان نارىقتىڭ اۋقىمى 29 پايىزعا ارتقان.
Cloud-قا كوشۋ كوپتەگەن مەملەكەتتەر ءۇشىن قاتارداعى ءىت مىندەت ەمەس، وسى نارىقتا توپ جارىپ، كوش باستاۋعا مۇمكىندىك بەرەتىن بيزنەستەگى ستراتەگيالىق مىندەت جانە دامۋعا ىرگەتاس بولاتىن شەشىم.
قازاقستانداعى بۇلتتى نارىقتىڭ اۋقىمى قانداي؟
Iks Consulting كومپانياسىنىڭ دەرەگىنە سەنسەك، بىلتىر ەلىمىزدەگى Cloud سەرۆيس نارىعىنىڭ كولەمى 8،95 ملرد تەڭگەنى قۇراپ، الدىڭعى جىلعى كورسەتكىشتەن 6،39 ملرد-قا اسىپ تۇسكەن.
سيفرلى ەكوجۇيەنى جەتىلدىرۋ، مەملەكەت مەن بيزنەستى تۇبەگەيلى سيفرلاندىرۋ يننوۆاسيانى ەندىرۋدى جەڭىلدەتىپ ءھام جەدەلدەتەدى.
ەلدەگى ينتەللەكتۋالدى جۇيەلەردىڭ، ستريمينگتى سەرۆيستەردىڭ سانى ارتىپ، AR/VR كونتەنتىنىڭ ۇلعايۋى بۇلتتى تەحنولوگيالارعا سۇرانىستى ارتتىرادى، سايكەسىنشە داتا-ورتالىقتار قۇرىلادى.
"داتا – ورتالىقتار Cloud سەرۆيستى ءتۇرلى دەڭگەيدەگى بيزنەسكە وڭتايلى كىرىكتىرۋدىڭ باستى ولشەمى. مۇنداي ورتالىقتار بۇلتتى تەحنولوگيالاردىڭ ىرگەتاسى ىسپەتتەس، تۇتاس ينفراقۇرىلىم وسىلاردىڭ ۇستىنەن قالانادى.
جەكە داتا ورتالىقتاردى قولدانۋ قاۋىپسىزدىككە كەپىلدىك بەرىپ، اقپاراتتىڭ ءۇشىنشى تاراپقا تاراپ كەتپەۋىن قامتاماسىز ەتەدى. سەرۆيستەر سەنىمدى جۇمىس ىستەپ، بيزنەستىڭ دامۋىنا ىقپال ەتەدى"، – دەيدى Huawei Technologies Kazakhstan باس ديرەكتورىنىڭ اپپارات باسشىسى فاريدا تولەۋبايەۆا.
مالىمەتتى وڭدەۋ ورتالىقتارى – مۇلتىكسىز، اقاۋسىز جۇمىس ىستەۋى كەرەك. وسىعان بايلانىستى Uptime Institute سەرتيفيكاتتالعان حالىقارالىق ينستيتۋتىنىڭ ستاندارتى بويىنشا قۇرىلعان، ءارى Tier II سەنىمدىلىك ساناتىنا سايكەس كەلەتىن داتا-ورتالىقتارعا سۇرانىس ارتۋدا.
بۇنداي ستاتۋس مالىمەتتى وڭدەۋ ورتالىقتارىنىڭ ۇزدىكسىز، ۇدايى جۇمىس ىستەرىنە، جۇيەنىڭ اقپاراتتىق، تەلەكوممۋنيكاسيالىق جانە ينجەنەرلىك ينفراقۇرىلىمىنىڭ ىستەن شىقپاۋىنا 99،82 پايىز دەڭگەيىندە كەپىلدىك بەرەدى.
"قازاقستانداعى بۇلتتى تەحنولوگيالار نارىعى ءوسۋ، دامۋ ۇستىندە. Cloud-تار، ولارمەن بايلانىستى ينفراقۇرىلىمدار بيزنەستى ترانسفورماسيالاۋعا، شىعىندى تومەندەتۋگە، كىرىستى كوبەيتۋگە، باسەكەگە توتەپ بەرۋگە جول اشاتىن مۇمكىندىك، وسى سەبەپتى بۇلاردىڭ سۇرانىس ارتا تۇسەدى.
ايتكەنمەن وتاندىق Cloud يندۋستريانىڭ نارىعى وسى سالاعا اياماي ينۆەستيسيا قۇياتىن ەلدەرمەن سالىستىرعاندا 10 ەسە تومەن.
مەمسەكتور مەن ەكونوميكاداعى قارقىندى سيفرلاندىرۋدى قاپەرگە الا وتىرىپ، قازاقستانداعى بۇلتتى نارىقتىڭ كەڭىستىگىن كۇش سالۋ قاجەت»، – دەيدى فاريدا تولەۋبايەۆا.
قازاقستانداعى بۇلتتى تەحنولوگيالاردىڭ اۋقىمىن ارتتىرۋ ءۇشىن كەلەسىدەي شەشىمدەر قاجەت:
- مالىمەتتى وڭدەۋ ورتالىقتارىنىڭ ينفراقۇرىلىمدارىن قالىپتاستىرۋ؛
- ىشكى جانە سىرتقى نارىقتا جەتىلگەن، دامىعان ماگيسترالدى بايلانىس ارنالارىن قۇرۋ؛
- ەل ىشىندە جەكە بۇلتتى پلاتفورمالاردى قالىپتاستىرۋعا جول اشۋ (جەكە بۇلتتى سەرۆيستى قالىپتاستىرۋ ونداعان جىلداردى قاجەت ەتەدى، بۇعان قوماقتى ينۆەستيسيا مەن بىلىكتى كادرلاردى تارتۋ قاجەت).
وتاندىق بۇلتتى تەحنولوگيالاردى ماسشتابتاۋ، ونىڭ ينفراقۇرىلىمىن ازىرلەۋ ايتۋعا عانا وڭاي. ول ءۇشىن ەلدەگى ءىت سەكتوردىڭ تىنىش-تىرشىلىگىن ەلەكتەن وتكىزىپ، ساپالى بۇلتتى سەرۆيسكە سۇرانىس قالىپتاستىراتىن كومپانيالاردىڭ كومەگىنە جۇگىنگەن ابزال.
بۇل تۇرعىداعى تاڭداۋ - جەكە Cloud سەرۆيسى بار، ينفراقۇرىلىمى قالىپتاسقان، الەم بويىنشا مۇنداي يننوۆاسيا ەندىرۋدە مول تاجىريبەسى بار كومپانيالارعا تۇسكەنى دۇرىس.
Huawei ىلگەرىدەگى تالاپقا تولىقتاي ساي كەلەدى. كومپانيا TIER 3 سەرتيفيكاتىنان وتكەن، مالىمەتتى وڭدەۋ جۇيەسىن باسىنان اياعىنا دەيىن تولىقتاي ازىرلەپ بەرەدى، ءارى ماگيسترالدى بايلانىس كانالدارىن مودەرندەيدى.
Huaweiء-دىڭ بۇدان بولەك بۇلتتى پلاتفورمانى قازاقستاندا اۋماعىندا «جەرسىندىرەتىن» تەحنولوگياسى جانە بار.
سونىڭ ارقاسىندا جاڭا IaaS-سەرۆيستەر جاسالىپ، وسى نارىقتاعى قىزمەت كورسەتۋدىڭ تۇرلەرى كوبەيەدى، كومپانيا ماماندارى ازىرلەگەن تەلەكوممۋنيكاسيا قىزمەتى بارشا تۇتىنۋشىلارعا قولجەتىمدى بولادى.
Huawei كومپانياسىنىڭ مۇرىندىق بولۋىمەن ازىرلەنگەن Cloud Hub جوباسى Digital Hub مەملەكەتتىك باعدارلاماسىنىڭ اجىراماس بولشەگىنە اينالعان.
Huawei-مەن ارىپتەستىك قازاقستاننىڭ ءىت نارىقتاعى ىقپالىن ارتتىرىپ، تەحنولوگيالىق مۇمكىندىگىن ۇلعايتادى. بۇل ءوز كەزەگىندە ينۆەستورلاردىڭ قىزىعۋشىلىعىن تۋدىرادى.
ەلىمىز حالىققا ارنالعان مەملەكەتتىك بۇلتتى سەرۆيستەر قىزمەتىن ىسكە قوسىپ، ءىرى جانە شاعىن بيزنەستى سيفرلى جاڭعىرتۋ جۇمىسى جەدەلدەيدى.
